ئەنجومەنی ئاسایشی رێکخراوی نەتەوە یەکگرتووەکان لە بەرانبەر درێژە پێدانی تاقیکردنەوە ناووکییەکان لەلایەن کۆریای باکوورەوە، بازنەی گەمارۆکانی سەر ئەم وڵاتەی تەنگتر کردەوە.



ئەنجومەنی ئاسایشی رێکخراوی نەتەوە یەکگرتوەکان لەم هەنگاوەیدا گەمارۆی خستە ٦٠٪ی هەناردەی ئەم وڵاتە کە هەناردەی خەڵووزی بەرد لەخۆی دەگرێت و هەناردەی کانزای دیکەی وەک مس بە یەکجاری رادەگرێت.

کۆریای باکوور لە مانگی سپتەمبەری رابردوودا گەورەترین تاقیکردنەوەی ناووکیی ئەنجام دا کە لەلایەن وڵاتانی جیهانەوە بە توندی شەرمەزار کرا.

ئەوکات حکومەتی پیۆنگ یانگ گەمارۆکانی رەتکردەوە و گوتی ئەم کارەی رێکخراوی نەتەوە یەکگرتووەکان گاڵتەجاڕانەیە و تەنیا بۆ پێکەنین دەبیت.
PAYAMNER-