له‌دژی سه‌ركه‌وتنی كاندیدی كۆمارییه‌كان، دۆناڵد تره‌مپ له‌ هه‌ڵبژاردنه‌كانی سه‌رۆكایه‌تی ئه‌مریكا بۆ دووه‌م رۆژ له‌سه‌ر یه‌ك له‌ هه‌ریه‌ك له‌ نیۆیۆرك، واشنتۆن، باڵتیمۆر، فیلادلفیا، رۆژئاوای لۆس ئه‌نجیلۆس، سان فرانسیسكۆ و ئۆكلاند خۆپیشاندان به‌رده‌وامه‌.

هاووڵاتیان له‌ نیویۆرك دروشمی ئه‌و سه‌رۆكی من نییه‌یان به‌رزكردۆته‌وه‌ و له‌به‌رده‌م كۆشكی سپی و تاوه‌ری تره‌مپ گردبوونه‌وه‌یان ئه‌نجام دا.

به‌ هه‌مان شێوه‌یش به‌ هه‌زاران قوتابی له‌ زانكۆی كالیفۆرنیا گردبوونه‌وه‌یه‌كیان ئه‌نجامدا و پرۆتیستۆی ده‌رچوونی تره‌مپ-یان كرد به‌ سه‌رۆكی نوێی ئه‌مریكا.

له‌ لۆس ئه‌نجیلۆس و میناپۆلس-یش خۆپیشانده‌ران چه‌ند شه‌قامێكی سه‌ره‌كیان به‌ رووی هاتوچۆوه‌ داخست. له‌ كالیفۆرنیاش داوای جیابوونه‌وه‌ له‌ ئه‌مه‌ریكا ده‌كرێت.
kurdistan-