حەسەن روحانی سەرۆك كۆماری ئێران دەڵێ، یەكپارچەیی خاكی سووریا و عێراق بۆ ئێران گرنگە. روحانی لە كۆبوونەوەی لەگەڵ فێدریكا مۆگرینی بەرپرسی سیاسەتی دەرەوەی یەكیەتی ئەوروپا پەیوەست بە پرسی سووریا رایگەیاند، چارەسەری دۆخی سووریا بە شەڕ نیە بەڵكوو چارەسەری سیاسیە و یەكیەتی ئەوروپا دەبێ بە یارمەتی ولاتانی ناوچە ھەوڵ بۆ چارەسەر كردنی شەڕی ئەو وڵاتە بدات.



روحانی داوای لە وڵاتانی یەكیەتی ئەوروپا كرد ھەوڵ بۆ راگرتنی یارمەتی بە تیرۆریست لە سووریا بدرێت و فشارەكان بۆسەر تیرۆریستان زیاد بكەن.

مۆگرینی بە مەبەستی تاوتوێ كردنی پرسی سووریا و ناوچە و پەیوەندیەكانی یەكیەتی ئوروپا لەگەڵ ئێران ئێوارەی ھەینی رابردوو گەیشتە تاران.

ئەمە لەکاتێکدایە، عەلی ئەکبەر ویلایەتی، راوێژکاری باڵای ئایەتوڵڵا خامنەیی لە سیاسەتی نێودوەڵاتیدا کە بە سەردانێک لە عێراقە، رایگەیاند: ئەمریکا دەیهەوێ وڵاتێکی دیکە لە باکووری عێراق دروست بکات.
PAYAMNER-