وه‌زاره‌ت و حه‌ج و عومره‌ی سعودیه‌ پێدانی ڤیزای بۆ ئه‌نجامدانی‌ گه‌شتی عومره‌ بۆ ئه‌م وه‌رزه‌ راگرت، ئه‌وه‌ش دوای‌ زیادبوونی‌ ژماره‌ی عومره‌كاران له‌ چاو ساڵی رابردوودا.

به‌پێی ئاماره‌كانی وه‌زاره‌ته‌كه‌، ژماره‌ی ئه‌و عومره‌كارانه‌ی تا دوێنێ گه‌یشتونه‌ته‌ سعودیه‌ گه‌یشتۆته‌ پێنج ملیۆن و 956 هه‌زار و 631 عومره‌كار، له‌كاتێكدا ژماره‌ی عومره‌كان له‌ وه‌رزی عومره‌ی رابردوودا پێنج ملیۆن و 949 هه‌زار و 212 عومره‌كار بووه‌. به‌پێی كه‌ناڵی‌ عه‌ره‌بییه‌.

عومره‌كارانی میسری له‌ پله‌ی یه‌كه‌مدان به‌ پێدانی ملیۆنێك و 303 هه‌زار 67 ڤیزای عومره‌ و له‌و رێژه‌یه‌ تا ئێستا نزیكه‌ی ملیۆنێك و 256 هه‌زار و 800 گه‌یشتونه‌ته‌ سعودیه‌.

له‌ پله‌ی دووه‌میشدا عومره‌كارانی پاكستان دێت و ئه‌نده‌نوسیاش له‌ پله‌ی سێیه‌میشدا دێت، به‌ پێدانی 699 هه‌زار و 612 ڤیزای عومره‌و به‌رێژه‌ی %7.2 ژماره‌ی عومره‌كارانیان له‌چاو ساڵی پاردا زیادیكردووه‌.




خەندان