ئۆباما بۆ ئەردۆغان: لەگەڵ ناتۆ لەپشت توركیاین
بەپێی راگەیێندراوێكی كۆشكی سپی و ئاكسەرای، باراك ئۆباما، سەرۆكی ئەمریكا پەیوەندییەكی تەلەفۆنی لەگەڵ رەجەب تەیب ئەردۆغان، سەرۆككۆماری توركیا ئەنجامداوە و باسی خستنەخوارەوەی فڕۆكە روسییەكەیان كردووە.
لەو پەیوەندییەدا ئۆباما و ئەردۆغان جەختیان لەوە كردووەتەوە كە دەبێ لەوە زیاتر گرژییەكان تووندتر نەكرێ.
هەر بەپێی راگەیێندراوەكە، ئۆباما پشتگیری واشنتن و ناتۆی بۆ توركیا دووپاتكردووەتەوە و گوتوویەتی "ئەنقەرە مافی خۆیەتی بەرگری لە ئاسمانی وڵاتەكەی بكات".
لە بەشێكی دیكەی پەیوەندییە تەلەفۆنییەكەدا هەردوولا جەختیان لە رووبەڕووبووەنەوەی داعش و قۆناخی گواستنەوەی سیاسی لە سووریا كردووەتەوە.
رووداو
