دوای ئه‌وه‌ی گفتوگۆكانی نێوان كۆماری ئیسلامی ئێران و كۆمه‌ڵه‌ی وڵاتانی (1+5) له‌ مۆسكۆی پایته‌ختی روسیا یه‌كه‌م رۆژی خۆی تێپه‌ڕاند، باراك ئۆباما سه‌رۆكی ئه‌مریكا و ڤلادیمێر پوتین سه‌رۆكی روسیا له‌ راگه‌یه‌ندراوێكی هاوبه‌شدا داوایان له‌ تاران كرد، كه‌ پابه‌ندی به‌ڵێنه‌كانی خۆی بێت و هاوكارییه‌كانی خۆی له‌گه‌ڵ ئاژانسی وزه‌ی ئه‌تۆمدا په‌ره‌ پێبدات.
ئۆباما و پوتین كه‌ بۆ به‌شداری له‌ كۆنفرانسی گروپی 20 سه‌ردانی وڵاتی مه‌كسیك- یان كردووه‌، له‌و راگه‌یه‌ندراوه‌ هاوبه‌شه‌دا جه‌ختیانكرده‌وه‌ بۆ ئه‌وه‌ی ئێران نیگه‌رانییه‌ نێوده‌وڵه‌تییه‌كان بڕه‌وێنێته‌وه‌، ده‌بێت هه‌نگاوی جدی بنێت و ئاشتی بوونی به‌رنامه‌ ئه‌تۆمییه‌كه‌ی خۆی بسه‌لمێنێت و كه‌شوهه‌وایه‌كی پڕ له‌ متمانه‌ بخوڵقێنێت.
سه‌رانی ئه‌مریكا و روسیا خوازیاری كه‌مكردنه‌وه‌ی رێژه‌ی به‌كارهێنانی یۆرانیۆمن له‌لایه‌ن كۆماری ئیسلامی ئێرانه‌وه‌ و ته‌ئكیدیان له‌سه‌ر گفتوگۆكانی نێوان كۆماری ئیسلامی ئێران و وڵاتانی گروپی (1+5) كرده‌وه‌.