باراك ئۆباماى سه‌رۆكى ئه‌مه‌ریكا رایگه‌یاند كه‌ وڵاته‌كه‌ى له‌گه‌ڵ كۆمه‌ڵگاى نێوده‌وڵه‌تی كار بۆ ئه‌وه‌ ده‌كات كه‌ كۆریاى باكوور زیاتر په‌راوێز بخرێت، ئه‌مه‌ش دواى ئه‌وه‌ى دوێنێ پیۆنگیانگ مووشه‌كێكى دوور هاوێژى هه‌ڵدایه‌ بۆشایی ئاسمان و مووشه‌كه‌كه‌ش سه‌ركه‌وتنى به‌ده‌ست نه‌هێنا.

باراك ئۆباما له‌ دیمانه‌یه‌كى رۆژنامه‌وانیدا گووتیشى گرنگه‌ ئێمه‌ ئه‌وه‌ى بزانین كه‌ كۆریاى باكوور هه‌وڵى هه‌ڵدانى مووشه‌كى دوور هاوێژ ده‌دات و له‌و كاره‌شیدا سه‌ركه‌وتوو نه‌بوو، به‌ڵام ئه‌و كاره‌ى پیۆنگیانگ ئێمه‌ى نیگه‌ران كردووه‌ و دووپاتیشى كردوه‌ كه‌ واشنتۆن بۆ زیاتر په‌راوێزخستنى كۆریاى باكوور له‌گه‌ڵ كۆمه‌ڵگاى نێوده‌وڵه‌تدا كار ده‌كات.

شایه‌نى باسه‌ سه‌ره‌راى نیگه‌رانیه‌كانى وڵاتانى دراوسێ و رۆژئاوا، دوێنێ كۆریاى باكوور مووشه‌كێكى دوور هاویژى هه‌ڵدایه‌ بۆشایی ئاسمان و راشیگه‌یاند كه‌ مووشه‌كه‌كه‌یان سه‌ركه‌وتنى به‌ده‌ست نه‌هێناوه‌ و له‌ ده‌ریایی زه‌ر كه‌وتۆته‌ خواره‌وه‌.