(*)

 

د مێژوویا مە دا هەمی ڕۆژ وەک ئێک نینن، هەندەک ڕۆژ هەنە ژیانا گەلەکێ ڕاستڤەدکەن. دەستپێکرنا شۆرەشا ئەیلوولێ د سالا ١٩٦١ێ دا ب سەرکردایەتییا بارزانیێ نەمر، ئێک ژ وان ڕۆژێن مەزن بوو. ئەڤ شۆرەشە ب تنێ شەرەک نەبوو، بەلکی ڕاپەڕینا گەلەکێ زۆلملێکری بوو. ئه‌ڤڕۆ کو ٦٥ سال ب سەر ڤێ روودانێ دا دەرباز دبن، بیرهاتنا وێ هێشتا د دلێ مە دا یا زێندییە.

گرنگترین خال د شۆرەشا ئەیلوولێ دا ئێکگرتنا هەمیا بوو ل بن ئێک ئالا. پێشمەرگە، گۆندنی، باژێری، گەنج و مەزن هەمیان ب ئێک هەلوەیست پشتەڤانییا وێ دکر. ئەڤێ بزاڤێ نیشان دا کو خەبات بتنێ ب چەکى نینە، بەلکی ب هوشیاری و ئێکگرتنا مللەتی یە. ب سایەیا ڤێ خۆڕاگریێ، دوژمن نەچار بوو دان ب مافێن کوردان دا ل ١١ی ئادارا ١٩٧٠ێ. ئەڤ شۆرەشە بوو بنەما بۆ هەمی دەستکەفتێن باشتر هێزا خۆراگریێ و خەباتێ بەردەوامه.

د دوماهیکێ دا ٦٥ سالیا شۆرەشا ئەیلوولێ وانەکا گرنگە بۆ مە هەمیا، کو پاراستنا دەستکەفتێن ئەڤڕۆ یێن هەرێما کوردستانێ پێدڤی ب هەمان ڕۆحەیەتا ئێکرێزیێ و خۆڕاگریێ یە. ئەڤ بیرهاتنە ب تنێ ڤەگێڕانا روودانێن کەڤن نینە، بەلکی بەردەوامیدانە ب وێ ڕێبازا کو ناسنامە و کەرامەتا گەلێ مە پاراستی. پێدڤییە نەوەیێن نوو ژی وانەیان ژ مێژوویا ڤێ شۆرەشێ وەرگرن دا کو ب زانست، هوشیاری و پێشەکەفتنێ پارێزگاریێ ل خوینا شەهیدان بکەن. هێزا مە د ئێکبوونێ دا یە و هەر دەمێ مە ئێکگرتن هەبیت، چ ئاستەنگ ناهێنە بەرمبەر ئیرادا گەلێ مە.هزار سلاڤ ل سەر گیانێ پاکێ شەهیدێن شۆرەشا ئەیلوولێ و هەمی شەهیدێن ڕێكا ئازادییا کوردستانێ.

 

(*)

چالاکڤان: