بێگومان گوڵی سرووشتیی ناو گوڵدان سەرنجڕاكێشە و زۆرجار بۆنێكی خۆشی هەیە، بەڵام سەرەڕای تێچووەكەی زۆر زوو سیس دەبێت.

چڵە گوڵی لۆكە، جێگرەوەیەكی بەردەوام بۆ گوڵ:

ئەمانە چڵە دارن كە تۆپە لۆكەی سپی و نەرمیان پێوەیە، دیمەنێكی گوندنشین و سرووشتییان هەیە. لۆكە هێمایە بۆ «قەدرگرتنی ئازیزان، خۆشەویستیی پاك و خۆڕاگری. لە هەندێك كولتووریشدا هێمای بەخت و خۆشگوزەرانییە.

گیای پامپاس (Pampas) بۆ جوانییەكی درێژخایەن بێ ماندووبوون:

گیای پامپاس بە سادەیی لە گوڵدانێكی شیكدا دابنێ و لێگەڕێ بە ڕەنگە هێمنەكەی بدرەوشێتەوە! ئەگەر دیوارەكانی ماڵەكەت سپین، پامپاس لە گوڵدانێكی گەورەدا دیكۆری ماڵەكەت دەوڵەمەند دەكات. هەروەها لەسەر مێزی نانخواردنیش دیمەنێكی ناوازەی هەیە.

گوڵەگەنم؛ هێمای ڕۆزی لە جوانی دیكۆردا:

ئەگەر گۆزەیەكی مس یان دەفرێكی كۆنت هەیە كە شوێنەواری كاتی پێوە دیارە، چەپكێك گوڵەگەنمە وشككراوەی تێ بكە. لە كاتی ڕێكخستنی مێزدا بەكاری بهێنە و دەستبەجێ هەست بە گۆڕانی كەشی ماڵەكەت دەكەیت.