بەگشتی سێ مانگی دووەمی دووگیانی كاتێكی گونجاوە بۆ ڕۆژووگرتن، بەڵام وا باشترە كە هەر ئافرەتێكی دووگیان بە ڕێنمایی دكتۆر بڕیار لەسەر ڕۆژووگرتن بدات. ڕێنمایی: پێویستە ژەمی پارشێو تا دوا ساتەكان دوابخرێت و ژەمی بەربانگ ژەمێكی گەورە و جۆراوجۆر بێت، ئینجا پاش چوار كاتژمێر ژەمێكیتر بخورێت، هەروەها خواردنەوەی 8-12 پەرداخ ئاو لە كاتەكانی نێوان بەربانگ و پارشێودا، گرنگیدان بە خواردنی پرۆتین ( گۆشت، هێلكە، شیرەمەنی) و كاربۆهیدراتە ئاڵۆزەكان (نانی گەنمی تەواو، دانەوێڵەی تەواو)، بڕێكی باشی ماست، لەگەڵ سەوزە و میوەی جۆراوجۆر لە هەردوو ژەمەكاندا و دووركەوتنەوە لە خۆراكی گەرم و شۆر، كەم خواردنی شیرینی بە مەبەستی كەمكردنەوەی هەستكردن بە تێنبووبوون و دڵەكزێ لە ساتەكانی ڕۆژوودا، تەرخانكردنی كاتێكی باش بۆ خەو و دووركەوتنەوە لە كار و چالاكیی زیادی ناوماڵ، بەتایبەتی لە ساتەكانی ڕۆژوودا، هەروەها پێویستە كە ئافرەتی دووگیان ڕۆژووەكەی بكاتەوە لەكاتی هەستكردن بەم نیشانانەی خوارەوە: سەرسووڕان، زیاد ڕشانەوە، كەمبوونەوەی جووڵەی كۆرپە، هەروەها ئازاری هاوشێوەی ئازارەركانی منداڵبوون.