خواردنەوەی پەرداخێك ئاو ڕاستەوخۆ پاش لەخەوهەڵسان باشترە لە خواردنەوەی قاوە، چونكە قەرەبووی كەمبوونەوەی شلەی لەش لە 6-8 كاتژمێر نووستنی شەودا دەكاتەوە، میتابۆلیزم تا ڕێژەی 30% تاو دەدات بۆ ماوەی 30-40 خولەك، هانی فرمانەكانی مێشك دەدات، بەتایبەتی ئاستی تەركیز و ئاگایی Alertness، هەروەها هانی لەش دەدات بۆ ڕزگاربوون لە ماددە زیانبەخشەكان. كەچی قاوە دەبێتە هۆی كەمبوونەوەی شلەی لەش ئەگەرچی سەرەتا ئاستی وزە بەرزدەكاتەوە، بەڵام پاش ماوەیەك كاریگەرییەكەی نامێنێت و ئاستی وزەی لەش دادەبەزێت، هەروەها ڕێژەی ترشێتی گەدە بەرزدەكاتەوە. سوودەكانیتری خواردنەوەی ئاو پاش لەخەوڵسان: سافكردن و باشتركردنی تەندروستیی پێست، باشتركردنی مەزاج و سووككردنی هەستكردن بە ماندووبوون، هاندانی فرمانی دروستی گورچیلەكان، بەتایبەتی ڕزگاربوون لە ماددە نەخوازراوەكان، هاندانی كرداری هەرسكردنی خۆراك، هەروەها یارمەتی كۆنتڕۆڵكردنی كێشی لەش دەدات.