واباشترە كە لە ژەمی بەربانگدا بڕی وەرگرتنی كالۆری سنووردار بكرێت لە ڕێگەی خواردنی بڕی بچووك لە خۆراكی تەندروست بەمەبەستی ڕێگرتن لە هەستكردنی زۆری ڕۆژووەوان بە هیلاكی و برسیبوون و كەمبوونەوەی تەركیز، بۆنموونە دووركەوتنەوە لە:

• شلەمەنییە شیرینركاوەكان Sweet beverages، هەروەها دواخستنی خواردنی شیرینی بۆ 2-3 كاتژمێر پاش بەربانگكردنەوە بەمەرجێك بە بڕی كەم بێت چونكە بڕی زیاد هۆكارە بۆ دواكەوتنی هەرسبوونی خۆراك و كۆبوونەوەی گاز لە ڕێڕەوەكانی كۆئەندامی هەرسدا هاوكات لەگەڵ هەڵبەزین و دابەزینی ئاستی شەكری خوێن كە ئارەزووی خواردن بۆ شیرینی زیاد دەكات.

•  بڕی زیادی خۆراكی پرۆتینی چونكە دەبێتە ئەگەری كەمبوونەوەی ڕێژەی شلەی لەش و زیاد هەستكردن بە تێنووبوون.

• خۆراكی سوێر یان شۆر، بۆنموونە خیار شۆر، ترشیات، زەیتوون، سۆوسەج و گۆشتی پرۆسێسكراو، پە نیری شۆركراو.

•  قاوە و چای چونكە ماددە كافائین لەخۆدەگرن كە هاندەرە بۆ كەمبوونەوەی شلەی لەش و هەستكردن بە تێنووبوون، هەروەها لە هەندێك كەسدا دەبنە ئەگەری سەرئێشە و بۆرژان لە ساتەكانی ڕۆژدا.