نێچیرڤان بارزانی ل میونشن :و پێگههێ هه رێما كوردستانێ ل سه ر ئاستێ جیهانێ
سەگڤان بەهجەت
ل دەمەکی دا ژینگەها ئاسايشا ناڤچەیی و جیهانی بەردەوام ل بەردەم گورانکاری یێت مەزن دایە ، بەشداری یا بەرێز نێچیرڤان بارزانی سەروکێ هەرێما کوردستانێ ل ڤی کونفرانسێ میونشن بو ئاسايشا جيهانى بابەتەکێ گرنگە چونکی ئەڤ کۆنفرانسە ئێکە ژ گرنگترین فۆڕمێت جیهانی بۆ دیالۆگا ستراتیژیك دناڤبەرا سەرکردەیێت سیاسی ژ بو بەرقەرارکرنا ئێمناهیێ ل جیهانێ،
کۆنفرانسیێ میونشن لە دەمەکی دا دهێتە ئەنجامدان کو جیهان ڕوبری چەندین قەیران و تەحەدیاتێت بەردەوام دبیت و کاریگەرییەکا زور دکەتە سەر سیستەمی ئاسایشا جیهانی گۆڕانا هەڤسەنگیا هێزێ دناڤبەرا هێزێت مەزن ل جیهانێ
لایەکێ دی ڤە ل ناڤچەیێ و هەروەسا ژ ئالیەکێ دن ڤە ل و هەڕەشەیا تیرورێ ژ ڕۆژهەڵاتا ناڤەڕاستدا، ب تایبەت عێراق و هەرێما کوردستان هێشتا لە قۆناغی جێگیرکردنی خو راستڤەکرنێ دایە . ئەڤجا ژبەر ڤێیەکێ بەشداریا بەرێز سەرۆکێ هەرێما کوردستانێ ل ڤی کۆنفرانسی دا ب تنێ ڕووداوەکا دیپلۆماسی نینە، بەڵکی پێنگاڤەکا ستراتیژیک یا گرنگە ژ بۆ جێگیرکرنا ڕۆڵێ هەرێما کوردستانێ دناڤ ئەڤان هاوکێشەیێن نوی پەیدادبن ل جیهانێ و هەروەسا وەکی یا دیاژی کو کارەکتەریا سیاسیی یا سەرۆک نێچیرڤان بارزانی وەکو کەسایەتیەکێ گونجاو قبلوکراوە ل سەرئاستێ جڤاکا نیڤدەولەتی ل سەر بنەمایێ دیپلۆماسییا ئارام و هەڤسەنگ دروست بووه ئەو وەک سەرکردەیەکێ واقعبین گفتوگۆپەسەند دهردکەڤیت
ئەڤ شێوازێ وی جیاوازییەکا گرنگ دروست دکەت،ب تایبەتی ل ناڤچەیەکێ دا کو کەلەک جارا زمانێ توندێ کەسایەتیێت سیاسی و باڵادەست ئەم دبینین
و هەروەسا ژ ئالیەکێ دیڤە ژی بو پێگەهێ هەرێما کوردستانی ئەڤ بەشداریا سەروکێ هەرێمی گەلەکا ب بایەخە و هەڤدیتن دگەل سەرکردەیان و بەرپرسێت ئیمناهی یین دەولەتان کو دپەراویزا کونفرانسی دا دهێتە ئەنجام دان ئەڤێ چەندێ دوپات دکەت کو هەرێم هێشتا فاکتەرەکێ گرنگێ ئاسایشا ناڤچەیێ یە کو دماوێ رابوری دا ژی وەکی شریکێ سەرەکی ل شەرێ دژی داعشدا دهیتە نیاسین بویە بەردەوام پێدڤی ب هاریکاری یا درێژخایەن یا جڤاکا نیڤدەولەتی هەیە ژ بو پاراستنا ڤان سەرکەڤتنا و ئەگەرێ دوبارە رونەدانا چ ئالوزییت دی بیت یێن وەکو تیرورێ چونکی ئەڤە پرسەکا گرنکە بو وان وەلاتا ئەوێن د چارچوڤی هەڤپەیمانان دا كاردكه ن
هەردیسان ژ رویێ ئابوری و وەبەرهێنانێ ڤە گەلەک گرنگیا خوە هەیە چونکی ل کونفرانسێ میونش ب تنێ تەکەزی ل سە بەحسکرن ل شەرو ئاشتیێ نینە بەلکی دەرفەتەکە ژ بو راکێشانا سەرنجا وەبەرهێنەرا و ریکخراوێت ئابوری ژبەرهندێ بەشداری بەرێز سەروکێ هەریمێ د ڤێ پلاتفورمێ دا دەرفەتەکە ژ بو ب هێزکرنا پەیوەندییت ئابوری د گەل وەلاتێن ههڤپشکدار دڤی کونفرانسی دا و دروستکرنا پرەکا نوی یە ژبو هاریکاری و گەشەپێدانا نیڤ دەولەتی.و ئەڤە پێنگاڤەکا کو ب تنێ د چارچوڤی پروتوکولی دا ناراوەستیت بەلکی بەردەوامی ل سیاسەتەکا هەڤسەنگ و ئارامه بو جێگرکرنا ئارمانجێت بەردەوام و پاراستنا بەرژەوەندیێن نیشتمانی.
