ئالە گەنجە یاریزانی كاراتێ یانەی ئاڵا

هیچ كەسێك بە ڕكابەری خۆم دانانێم
یانەی ئاڵای شاری هەولێر یەكێك لەو یانانەی كوردستانە كە بەردەوام گرینگی زۆر بە یارییە تاكییەكان دەدات و ئاست و ئەنجامی شایستەیە لە سەر ئاستی كوردستان وعێراق و دەرەوەش.كارگێڕانی یانەكە جیاواز لە یانەكانی تری كوردستان كە زیاتر گرینگی بە یارییە جەماوەرییەكان دەدەن، یانەكە پشتی زۆربەی یارییە تاكییەكانیان گرتووە لە یانەكە، تیپی كاراتی یانەكەش یەكێك لە تیپە بەهێزەكانی یانەكە و كوردستان و عێراق و خاوەنی چەندین كچە یاریزانی بەتوانایە لە سەر ئاستی عێراق، ئەم یانەیە خاوەن چەندین كچە یاریزانی ئاست بەرزن و چاوەڕوانی ئەنجامی باشیان لێ دەكرێت لە داهاتوودا یەكێك لە كچە یاریزانە پاڵەوانەكانیش كە ئەنجامەكانی بەرچاوە لە سەر ئاستی كوردستان و عێراق ئەویش ئالە گەنجە-ە، ناوبراو لەدایك بووی ساڵی 2005 لە هەولێرلەدایك بووە و یاریزانی تیپی كاراتێ یانەی ئاڵایە، گۆڤاری گوڵان لە نزیكەوە چەند پرسیارێكی ئاراستەكرد.
*چۆن بوو هاتیتە نێو جیهانی وەرزش؟
- حەزێكی منداڵیم بوو كەوای كرد بێمە ناو جیخانی وەرزشەوە، ئێستاش هەر بەو حەزەوە یاری دەكەم بە تایبەتی وەرزشی كاراتی.
*لە نێو ئەم هەموو یارییە وەرزشییە جۆراوجۆرە چۆن بوو بڕیارتدایاری كاراتێ هەڵبژێری ؟
-بۆیە كاراتیم هەڵبژارد بینیم كچان كەمتر تێدا بەشدار دەبن.
*هەست ناكەی یارییەكی قورست هەڵبژاردوە زیاتر شەڕانگێزییە؟
-لەخۆم ڕادەبینم وەك ئافرەتێك منیش ئەو یارییە بكەم ڕۆژ بە ڕۆژ لەم وەرزشە ئاستیم باشتر دەبێت، منیش زۆر دڵخۆش دەم لەوەی كە زیاتر پەرە بەخۆم بدەم.
* كارتی چی پێبەخشیوی واخۆشت دەوێت؟
-حەزێكی منداڵیم بوو كە وای كرد بێمە ناو جیهانی وەرزشیەوە ئێستاش بەر بەم حەزەوە یاری دەكەم بەتایبەتی كاراتێ، بۆیە هەڵمبژارد، چونكە كچان كەمتر تێدا بەشدار دەبن.
*ئەم یارییە زیاتر شەڕە یان حەز؟
-من ئەو توانایەم هەیە بۆمن قورس نابێ، ئامانجێكم هەبێت قورسیش بێا هەر هەوڵی بۆ دەدەم، متمانەم بەخۆم هەیە لە كارە قورسەكان ئەنجامم هەبێت و ئەو یارییە زیاتر حەزە.
*ئاستی یاری كاراتێ چۆن دەبینی لە كوردستان؟
-یاری كاراتی ئاستێكی زۆر باشی هەیە لە كوردستان و عێراق، بەڵام لایەنی پاڵەوانێتی زۆر كەمە بۆ ئاستی كچان.
*چی بكرێت باشە بۆ بەرەوپێشبردنی ئاستی یاری كاراتێ لە شارەكانی كوردستان؟
- هیوادارم زیاتر پاڵەوانێتی بكرێتەوە بۆ یاریزانەكان تاوەكو یاریزان حەزی بەرەوپێسشچوونی زیاتر هەبێت هەوڵ بۆ پاڵەوانێتی دەرەوەی كوردستانیش بدات.
*بەرنامەت چیە بۆ داهاتووی خۆت وەكو كچە پاڵەوانێك؟
-بەرنامەی من ئەوەیە كە هەمیشە بەردەوام بم و كۆڵنەدەم و هەموو كات لەو ئاستەدابم جێگای شانازیم بۆ یانەكەم و خۆم لە دەرەوەی كوردستان و عێراق ببینمەوە.
*سەركەوتن و ئەنجامی باش چیت پێ دەبەخشێ؟
-هەر سەركەوتنێك بۆ من وا دەكات من زیاتر بەردەوام بم و كۆڵنەدەم.
*كێ بە ڕكابەری خۆت دەزانی لەم یارییە؟
-هیچ كەسێك بە ڕكابەری خۆم دانانێم.
*هیواو و ئاواتت لە وەرزش كردن، دەتەوێ چی بەدەست بهێنێ؟
-ئاواتم ئەوەیە كە ببمە یەكێك لە باشترینەكان و پاڵەوانێكی جیهانی.
*هۆكاری چیە كچان بە كەمی ڕوو لەم یارییە وەرزشیە دەكەن؟
-بەڕاستی كچان بە یارییەكی قورسیان داناوە، بۆیە بە یەكجاری ڕوو بە كەمی لەم یارییە دەكەن.
*لە یانەكانی كوردستان گرێبەستت پێشكەش كراوە؟
-من وەكو خۆم ئاستێكی بەرزم هەیە لەم یارییە، گرێبەستم بۆ هاتووە لە یانەكانی دیكە، بەڵام ڕەتم كردۆتەوە بۆ بەردەوام بوون لە یانەكەی خۆم.
*خانەوادەكەت تا چەند هاوكارن بۆ وەرزش كردنت؟
-زۆر سوپاسی دایك و باوكی ئازیزم دەكەن كە بەردەوام لە پشتمن هۆكاری سەرەكەوتنەكان ئەوانن.
*ئەگەر شتێكت ماوە لە كۆتایدا؟
-زۆر سوپاس بۆ گۆڤاری گوڵان بۆ ئەو خەمخۆریەی زۆرەی بۆ وەرزشی ناوخۆ هەیانە.