لە ڕۆژئاوای کوردستان لە هێرشی چەتەکانی داعشی عەرەبی دیمەنێک بەرچاوی لێڵ کردم کلی چاومی بەسەر ڕومەتەکانمدا هێنایە خوار کە بینیم پەلکی ڕەنگ زێڕی ژنە شەڕڤانێک لە دەستی جانەوەرێکی خوێن سارد و دوژمن بە کۆمەڵگەی مەدەنی و ئاشقی کۆنەپەرستی تاریک پەرستی.
لە هەمان کاتدا ئاهێكم بە بەرخۆمدا هێنا کە دەبینم
ژن سەرکردایەتی شۆڕش و حوکمڕانی و بەڕێوبردن و دیپلۆماسی دەکات، ژن بەرخودان دەکات ژن شەهید دەبێ ژن پارێزەری خاک و نیشتمانە ژن شانبەشانی پیاوان لە سەنگەردا ڕاوەستاوە و سنگی ناوە بە شمشێری جەلادەکانی جۆلانەوە .
هەر بۆیە ئێستا ڕۆژئاوا، بە ئازایەتی ئەو ژنانەوە بووەتە نموونەی خۆڕاگری و هەموومان شانازی پێوە دەکەین.

گومان لەوەدا نییە شوێنی ژن لە هەر کۆمەڵگەیەکدا ئاوێنەیەکی ڕاستەقینەیە کە ڕاستیی ئەو کۆمەڵگەیە و ڕەوت و شێوەی ژیان و بیرکردنەوە و ئاستی ژیاری تێدا ڕەنگ دەداتەوە، ئەمڕۆ بۆ هەموو گەلان ڕوون بووەوە کە ژنی کورد هەرکات مەترسی کەوتە سەرخاک و گەل ئارایشت و خانمی وەلاوە دەنێ و ڕەنگ و بەرگی تێکەڵی خاک دەکات و دەبێت بە قەڵغان بۆ ئازادی.

ژنی کور بە درێژایی مێژوو بە پایەی جیاجیادا تێپەڕیوە و ڕۆڵی بەرچاوی هەبووە، لە هەندێ ناوچەدا ژن پێشڕەو و سەرکردە و قوربانیدەر بووە، نموونەی ئەو شێرە ژنانە ڕۆژئاوا چۆن دژی داگیرکەران دەجەنگن شوێن پنجەیان لە ئازادی و خۆڕاگری ڕۆژئاوا داناوە.

لەگەڵ ئەوەشدا بڕینی پەلکی( كەزی) ئافرەت و سوکایەتی کردن بە جەستەی نائومیدمان دەکات، لە وەی پێکەوەژیان لەگەڵ ئەقڵێتی داعشی و دڕەندەیی چەکدارانی شەرع لە سوریا بەدی بێت .

ئەو ژنە شەڕڤانانە ڕاهێنراون تا پارێزگاری لە خۆیان و کەسوکاریان و ئەوانەی دەورووبەریان بکەن. هیچ یەکەیەکی کلتووری تیۆری شارستانی، لە پشت ئەم چالاکییە سەربازیانەوە نییە ،،جگە لە خۆپارێزی و نیشتمان پارێزی و بەرگرییەکی شەریفانە لە خاک .

ئارەزوو عەبدولخالق