(*)

ئەڤا نوکە و بەرییا نوکە ژی ل ئیرانێ یان هەر وەلاتەکێ جیران دروست بیت ئێکسەر دێ کاریگەرییا خۆ هەبیت بۆ کوردستانێ ژی چونکی هەمان سنوورە دگەل ئێک و بێ ئێک نابیت و پێگڤە گرێداینە و هەردەم ژی هـــەردوولا دێ پێدڤی ئێک بیت.
نە وەلاتێ ئیرانێ تنێ بەڵکو ئەو ڕەوشا نها یا سووریا و تورکیا و ئالۆزییین عیراقێ هەموو د ئێک پاکێج دا دێ کاریگەرییا خۆ کەتە سەر هەرێما کوردستانێ و هەر چ نەبیت وەکی گوتنەکا هەیی دبێژن" دەما بەرەکی د گومەکا ئاڤێ ددەیی هەر چ نەبیت دێ پەشکێن قورێ هێنە مەڤە" و ئەڤ و چەندین گوتنین دیتر ل سەر ڤێ پرسێ دهێنە گوتن، بەلێ یا گرنگ ئەوە هەرێما کوردستانێ، ناڤماڵا خۆ ڕێکبێخیت و پەیوەندیین وان دگەل و پاش دگەل وەلاتێن هەڤپەیمانی و زڵهێز خۆشتر و باشتر بکەن و پێداچوونەکا باشتر بکەن ژ وان بڕگە وماددێ ماینە هەڵا ویستی بۆ هەر ئەگەرەکێ نەکو ئەو چەندە دبیتە ئەگەرێ لێک تڕازان و زێدەتر لێک دوویر کەڤن و هند ژی دهێنە ناڤا وان بۆ تێکدان و نەگەهشتنا کابینا نوی و دیسان ئاریشە بۆ یا عیراق ژی دهێنە دروستکرن.
ئەڤە و چەند خاڵین دیتر دبنە ئەگەرێ هندێ کو عیراق ژی یا بەردەوام هەجەت و بڕیاران ل سەر هەریمێ جێبەجێدکەت و دڤێت بێخیتە بن وارێ خو دا بۆ هندێ دا زێدەتر پێگە و هەبوونا کوردان ژ هەر ڕوویەکێڤە لاواز بیت و لێک تەڕازان دروستبیت.
ئەوا جێبەکرنا پاساوێن عیراقی ل سەر هەرێمێ وەک بڕگەها باج و یێن دیتر بووینە ئەگەر کو کێشە بو خەلک و نەخاسمە بازرگانێن مە دروست بیت و کەواتە مە دڤێت زێدەتر بەحسا وان ئالۆزیێن وان دەولەتێن دەر دوورێ خۆ بکەین کو بووینە ئێک ژ وان ئەگەرێن هندێ کو هەر چ نەبیت خەلک و نەخاسمە گەشتیار ژی وێ چەندێ بەرچاڤ بکەن بۆ نەئارامی و گرانی و نەخۆشیا خۆ ببین د بازاڕێن هەرێمێ دا .
ئەڤ لڤین و کار و ئابووریا بەرییا نها هەیی بوویە ئەگەرێ هندێ لاوزی بکەڤیتە تێدا و زێدەتر دناڤا بوچە و کار و ئابووریا کوردستانێ دا قومبەلە بهێنە پەقاندن و هەر چنە بیت کوردستان دڤێت ڕێێن دیتر بگەرێن بۆ ئەداکرنا وان بڕگەیێن مایی و نەهاتنە جێبەجێکرن یان بووینە ئەگەرێ گومانا وی لچەم خەلکی و هەر کەسەکی، بۆ هندێ دا زێدەتر ئەو ترس و مەترسییا ل سەر ئابووریا کوردستانێ و دەروازێن وێ هەیی ژی بهێتە کێمکرن و نەبیتە ئەگـــەر کو خەلک پەنایێ ببەت بۆ ترس و مەترسیی.
ئیران، ژبلی وان خونیشاندان و ئالۆزیان ژی کو ئێک ژ خالێن دیتر ئەوە گرتن و نەمانا هێلا پەیوەندیی و ئەنترنێتێ ژی بوویە ئێک ژ وان ئەگەران کو کارێ بازرگانیێ دکر دناڤبەرا هەرێم و ئیرانێ دا بوویە سەدەم ئەو نەمینیت و ببیتە ئەگەرێ نەمان و گرانبوونا بهایێ تمەنی ئیرانی و نەمانا بازرگانییەکا ئازادتر وەک ڕۆژێن بەرێ و دروستبوونا ئاستەنگێین هاتن و چوونێ ژی هەیە ئەو ژی ئێکە ژ وان ئەگەرانە کو کاریگەرییەکا زۆر خراب هەبیت ل سەر کاروبارێن بازگانی و ئابوورییێ.
ئەڤا مە گوتی دێ هەمی بیتە کاریگەری ل سەر هەبوونا بژێوی ژیان و گەشەکرنا ئابووریا کوردستانێ و زێدەتر خەلکی ژی چیتە چارچووڤێ ترس و لاوازییا بازاڕی دروست بیت، کەواتە هەرێم ژ ڕوویێ ئارامیی و سەقامگیرییێ ڤە ب هەبوونا خەلکێ خۆ یا ئارام و خۆشە بەلێ ئەڤ چەندە کافی نینە چونکی نەبوونا کار و بازاڕی هندی نزانیت و دێ ڕەوش خرابتر لێهێت.

 

 

(*)

ڕۆژنامه‌وان و چالاكوان