لە لێكۆڵینەوەیەكی سویسریدا هاتووە كە ڕیسكی بەسەربردنی كاتی زۆر بە سۆشیال میدیاوە، بەتایبەتی سمارتفۆن، ئەگەر بۆ ماوەیەكی كورتی وەكو یەك كاتژمێریش بێت لە ڕۆژێكدا، دەبێتە هۆی هیلاكبوونی چاوەكان Eye strain. فراوانبوون و تەسكبوونەوەی بیلیبلەی چاو، كەم داخستنی پێڵووەكان، زیاد تەركیزكردنی چاوەكان لەسەر وێنە و نووسینەكانی سۆشیال میدیا، هەروەها وشكبوونی چاو لەبەر زیاد كردنەوەیان، هۆكاری هاندەرن بۆ هەستكردن بە ماندووبوون و هیلاكبوونی چاوەكان، هەروەها گۆڕانی بەردەوامی ڕۆشنایی ڕووناكیی بەكارهێنانی سۆشیال میدیا بەتایبەتی بە ئامێرەكانی سمارتفۆن، بارگرانیی زیاتر دەخاتە سەر چاوەكان و هاندەرێكی بەهێزە بۆ ماندووبوون و هیلاكبوونیان. لەلایەكی دیكە كەمبوونەوەی ژمارەی داخستنی پێڵووی چاوەكان تا ڕێژەی زیاتر لە 55% لە ماوەی یەك كاتژمێر لە بەكارهێنانی سمارتفۆن هاوكات لەگەڵ درێژبوونەوەی ماوەی نێوان داخستنەكانی پێلوی چاو تا ڕێژەی 39-42%، واتە كردنەوەی چاوەكان بۆ ماوەیەكی زۆر، هۆكارێكی ترە بۆ هیلاكبوونی چاوەكان.