(*)

بابەتی ئێران و ئیسرائیل بابەتێكی هەستیارەو چەندین رەهەندی ئایدیولۆژی و ئاینی و سیاسی هەستیاری لەخۆ گرتوە، بۆیە دەبێت شیكردنەوەیان بە ووردی و ژیری و بێ لایەن بێت، بەڵام ئەوەی من لەم جەنگەدا تێبینم كرد و بۆم دەركەوت ئەوەیە کەوا ئێران ئەو ئەژدیهایە نەبو كە وێنا دەكرا یان تەنها ئەژدیهای میللەتی كورد بو،
دەمەوێت زۆر بە پروفیشنالی بێ لایەنگیری شیكردنەوەی بچوك و سادەی خۆم بو خوێنەری بەرێز بخەمە روو، چونكە قورسە لە كوردستان بە خوێنەر بلێی ئێران دۆرا، بوچی؟
چونكە كورد لەسەدا ٩٥ ی موسوڵمانە ئێڕانیش بەناو كۆماری ئیسلامی ئێرانە، جا كوردی خۆمان بە حوكمی ئەوەی زۆر عاتفی و بە سۆز بیردەكەنەوە و بریاڕ دەدەن، وەك چۆن ئێمەی كورد سالی ١٩٢٤ لە كاتی دابەشكردنی كوردستاندا، عێڕاقمان هەلبژارد بە حوكمی ئەوەی وڵاتی عێراق (علی الأساس) وڵاتێكی موسلمانەو بەم سۆزە سەقەتەمانەوە مال و داهاتومان بە قور گیرا، ئێستاش لەشەری ئێرانی دراوسێماندا هەمان بیرو سۆز بەكاردەهێنرێت لەلایەن هەندێک كوردەوە، ئەلێن ئیسرائیل مندالی غەززەی كوشتووە كە حەماس خۆی هەم غەززەی بەرەو ئەم توفانە بڕد و هەمیش مندال و خەڵكە هەژارەكەی بە كوشتدا، بەلام پسیارە گرنگەكە ئەوەیە ئەرێ بێ زەحمەت ئەو ئێڕانەی هەست و سۆزتان بۆی هەیە چەند منداڵی كوردی كوشتوە؟
یانیش بابەتەكە گرێیەكی تری سیاسی نێوخوییە كە دەتوانم بە راشكاوانە ئاماژەی پێ بكەم، كەوا لێرەدا دوو جۆر كورد بونیان هەبو (ئەم قسەیەم لایەنگیری و ناوچەگەرێتی نیە) بەڵكو لێكوڵینەوەو لێكدانەوەم و بینینی واقعەكەی كوردستانە، كەوایە كێن ئەو دوجۆرە كوردە؟
یەكەم، كوردێك دژی ئێران بو كەوا پێی وایە ئێران هوكاری هەرچی نەهامەتی كوردو كوردستانە لەوەتەی ٢٠٠٥ ەوە تا ئەمرۆ، بەتایبەتت لە بابەتی ریفڕاندوم و كەركوك و بابەتی قوتی خەڵك و مووچە و هەولدانی فیتنە و ئاژاوە گێری بو نێو كوردستان كە ئەمە راستەو واقعە هەمو تاكێكی بەشەرەف و بە ئینسافی كورد شاهیدی ئەم راستیەن.
جۆری دووەم، یاخود بەرەی دووەمی كورد دەتوانم بەراشكاوانە بڵێم بەرەی دژە كوردستانی بوونە بەلام بەكوردی، نموونە ئیسلامیەكان كەوا پابەندی هەموو یاساو رێسای ئێڕان و حەرس سەوری و بەرەی برایانی یەكێتی و مەقاومە بوون، كەوا ئەمە هیچ ئینكار ناكرێ دیارە ئەمانەش سوودمەندن لەم بابەتەی ڵایەنگیری ئێران یانیش قوفل دراون ناتوانن ملیان بسورێنن.
جا بابێمە سەر بابەتە سەرەكیەكەی خۆم كەوا هێزی ئێران بوو، بەراستی من خۆم وەك بینەر و بیسەر و چاودێرێك، شۆک بوم لەوەی لە ئێران رویدا لە ماوەی ١٣ روژدا كەوا لە ١٣ی ٦ شەرەکە دەست پێكڕا هەمو كەس بە لایەنگڕو دژەوە دەیان گوت ئێران کۆتایی بە ئیسڕائیل دێنێت، لەبەر زۆر هوكار، تایبەت بە ئێران وەك ئیمپڕاتۆریەتێك وێنا دەكرا لە هێز و چەك و سوپا، بۆیە كە دەست كرا بە شەرەكە، لە یەكەم وگرنگترین هەنگاودا ئاسمانی ئێڕان وەك سەربانی مالەكەمان بەروی هەموو چۆلەکەشدا كرایەوە، ئێران شۆكکرا ئەوە یەك، دووەم، ئێران دیسا بە سیخوری نێو خاکەکەی شوککرا و دەزگاكانیان لەهەموو كۆچ و كولانەكانی ئێران سیخوری مووساد دەبینرا و بە ئارەزوی خۆیان کارییان دەکرد، سێیەم، هێزی كۆماندوی ئیسرائیل بەتاک و بەكومەل گەیشتبونە نێو خاكی ئێران، چوارەم لەهەموی ترسناكتر سیخوری نێو هێزو سوپا و دەزگاكانی ئێران و حەرەس سەوری و ئیتیلاعاتدا شتێکی سەیر و شۆککهێنەر بو، واتە مەعقولە ئەم ئێرانە گەورەو زەبەلاحە دەزگای هەوالگری ئیسرائیل (مۆساد) ئاوا بە ئاسانی گەیشتبوە نێو جەرگەی ئێران بە تایبەتی لە نێو سوپا و دەزگا ئەمنیەكانیەوە؟
جیاوازی نێوان هێرشەكانی ئێران و ئیسڕائیل ئەوەبو کە هێرشەكانی ئیسڕائیل دیراسەكرا و وورد بون، ئەو شوێنانەی کە دەیویست و ئامانجبوون هەموویان بە ئاسانی پێكێنران، بەڵام هێرشەكانی ئێران زیاتر هەرەمەكی بون بۆ نموونە، بینیمان هێرشێكی بۆ نەخوشخانەبوو، یەكێكی تری بۆ سەر داینگە، مزگەوت بوو، بەڵام هێرشەكانی ئیسرائیل هەمووی ئامانجی سەربازی بون، بۆ نموونە زیاتر لە ٢٢ فەرماندەی باڵای سەربازی ئێرانی كوژران، هێرشەكانی ئێران زیاتر بۆ نێو جەرگەی تەلئەڤیڤ بون .
دەتوانم بڵێم ئێران زۆر كاری لەسەر میدیاو راگەیاندنەكانی كرد لەبەر زۆر هۆكار، یەكەم ئەوەبو هێرش كردنە سەر جەرگەی حەیفاو تەڵئەڤیڤ زۆر پێش چاو بوو، خەڵك باش دەیبینی و سەرنج راكێش و زەق دیاربو كاتێک مووشەك بە نێو شاری حەیفا دەكەوێت، بێگومان زۆر روون و زەق و كاریگەرتر بەدیار دەكەوت، لە راگەیاندنەكان و نێو خەلكدا وەك لەچاو هێرشەكانی ئیسرائیل كە موشەكەكانیان بەر چیایەك دەكەوت خەڵك گاڵتەی پێ دەكردن بەڵام لەهەمان كاتدا ئیسڕائیل ئەو چیایەی دەویست ئەوەی پێ گڕنگ بو ئامانجەكەی ئەوبو،
وەكو وتم ئێران زۆر كاری لەسەر شەری دەرونی و هێزی راگەیاندنەكانی دەكرد بو نموونە، سەیری هەرچی راگەیاندنەكانی ئێڕانت بكردبا كاریان زور بە ژیری دەستکرد(AI) دەكرد.
بینیمان نوسرابو سوپاس بو خوا ئێمە فروكەی F16 ی دوژمنمان خستە خوارەوە دوو رۆژی تری پێ چو نوسرابو سوپاس بو خوا ئێمە فروكەیەكی F35 ی دوژمنمان خستە خوارەوە، وێنەی بە ژیری دەستكرد بلاو كردبووە، جا ئەمە وەك پال پێوەنانێك بۆ هێزەكەی خۆی و هاونیشتیمانیان و هاوپەیمانانی وەك هێزێك پیشانیان دەدا یانیش هەر موشەكێكیان ئاراستەی ئیسرائیل دەكرا بێ بەڵگەو بێ هیچ ئاماژەیان بەوە دەكرد سەركەوتین تاوەكو ئاگربەست راگەیێنرا، رابەری ئێران لە گرتەیەكی ڤیدیویدا دەركەوت گوتی ئێمە كەپوی ئیسرائیل و ئەمریكامان شكاند، ئەمەش كاردانەوەی توندی ترەمپی سەرۆكی ئەمریكای بەدوای خۆیدا هێنا كەوا گوتی من لەهەولدابوم سزاكانی سەر ئێران سوك بكەم بەڵام بەهوی لێدوانەكانی خامەنەئی پەشیمان بومەوە، وە گوتیشی پێویستە خامەنەئی ڕاستگوبێت بە حوكمی ئەوەی رابەری ووڵاتێكی ئیسلامیە و موسولمانە (تو وەرە ترەمپێك كەوا هیچ ئایین و مەزهەبێكی نیە بە كەسێك كە خۆی بەرابەرو سەروكی وڵاتێكی موسولمان بڵێت دروو مەكە)
شتێكی تریش كە راستی قسەكانم دەسەلمێنن كەوا ئێران لەم شەرە تەنها هێزێكی گەورەی ئەلیكتڕونی مێشولەكانی راگەیاندنە(ذباب اعلامية) لە هەموو بۆنە و پڕێس كونفرانس و بەیاننامەكانیدا ئێران وای پیشانی جیهان دەدا كەوا ئەمریكی و ئیسرائیلیەكان پاراونەتەوە كەوا شەرەكە راگڕن، ئەم قسەیە كاتێك تو دەیكەیت كەوا بزانی بالانسی هێز لەكام لایە بێ لایەنگیری بەلام بە مەنتقی عەقل و لۆژیك هەموو جیهان دەزانێ ئەمریكا كێیە و چیە.
ئەم قسەو بەیاننامانەی ئێران لەكاتێكدایە كەوا وەزیری دەرەوەی ئێران شوێن و كەسایەتی نەما پەنای بۆ نەبات لە سەروكی هەرێمێ كوردستانەوە بگرە تا وەكو قەتەر و میری سعودیە و وەزیرانی دەرەوەی فرەنسا ئەڵمانیاو بەریتانیا، كوبونەوە بەپەلەكانی كەوا زۆر بە زەحمت توانی لە نێو خاكی توركیاوە خوی بگەێینێتە ئەوروپا مەبەستم (عیراقچیە).

 

(*)

چالاكوان

 

(*)