بەمزووانە فیلمی سینەمایی كوردی (هیچ) نمایش دەكرێت
بڕیارە لە یەكەم ڕۆژی جەژنی قوربان,یەكەمین نمایشی فیلمی سینەمایی كوردی (هیچ) بەڕێوەبچێت,كە ئەم فیلمە باس لە چەندین نهێنی و تاوان و سزا دەكات هەروەها مێژوو و چیرۆكی ماڵوێرانی و نەهامەتی گەلی كورد دەگێڕێتەوە.
فیلمی سینەمایی (هیچ) لە لایەن (دیاكۆ بایز) كاری دەرهێنانی ئەنجامدراوەو (شیما فاتح) بەرهەمێهێنەری فیلمەكەیە,هەروەها هونەرمەند و موسیزیان(زانا عەبدوڵاهی)موزیكی فیلمەكەی ئامادەكردووە,لەم كارە سینەماییەدا ژمارەیەك هونەرمەندی بەئەزموون وئەكتەری گەنج ڕۆڵدەگێڕن,كە ئەوانیش پێكدێن لە(محەمەد شێروانی-ژیان ئیبراهیم-ڕزگار باهیر-ئازاد جەلال-زانست بەرزنجی-ئاكۆ شەریف).
بڕیارە ئەم فیلمە سینەماییە كوردییە لە ڕێكەوتی 6/6/2025 لە یەكەم ڕۆژی جەژنی قوربان لە سینەماكانی هەولێر-سلێمانی-كەركوك-دهۆك-هەڵەبجە وە بەغدا یەكەم نمایشی بەڕێوەبچێت.
گوڵان-ئاسۆ كاكەیی
