بەگشتی زیاد خواردنی ئەو خۆراكانەی كە ڕێژەیەكی بەرزی خوێ، شەكر، كاربۆهیدراتی سافكراو، چەورییە تێرەكان یان چەورییە نێوەندییەكان لەخۆدەگرن، بە تێپەڕبوونی كات ئەگەری تووشبوون بە نۆرەی دڵ و جەڵتەی مێشك زیاد دەكەن، چونكە دەبنە ئەگەری بەرزبوونەوەی ئاستی كۆلیستیڕۆڵی خراپ و چەوریی گلیسریدە سیانییەكان TG، هاوكات لەگەڵ پەیدابوونی بەرگری بۆ ئینسولین، كە ئەگەری نەخۆشیی شەكرە و دڵ زیاد دەكات. ئەو خۆراكانەی كە زیانبەخشن بۆ تەندروستیی دڵ، بریتین لە: گۆشتی سوور كە دەوڵەمەندە بە چەورییە تێرەكان و كۆلیستیڕۆڵ، گۆشتی پڕۆسێسكراوی وەكو سۆوسەج و هۆت دۆگ و سەلامی Salami، سۆدا یان خواردنەوەی گازدارەكان، كە ڕێژەیەكی بەرزی شەكر لەخۆدەگرن، نان و هەویركاریی بە ئاردی سپی كە ئاستی شەكری خوێن بەرزدەكەنەوە و ئەگەری زیادبوونی كێش و قەڵەوی زیاد دەكەن، ماستی پڕچەوری و چێژكراو Flavored Yogurt، برنجی سپی، پیتزا، كەرە، مریشكی سووركراوە لە ڕۆندا، پەتاتەی سووركراوە لە ڕۆنی داغدا French Fries، جیبسی پەتاتە، هەروەها ئایس كرێم.