بەشی دووەمی زنجیرە درامای(Wednesday)نمایش دەكرێت

دەرهێنەری دیاری ئەمریكی (تیم بورتۆن)كە كاری دەرهێنانی بۆ هەردوو بەشی ئەم زنجیرە درامایە ئەنجامداوە,چەند ئەكتەرێكی نوێی هێناوەتە نێو بەشە نوێیەكەوە كە ئەوانیش پێكدێن لە ستیڤ بوسیمی و بیڵی پەیپەر و ئیڤی تمبلتۆن و ئۆین پینتەر و چەند ئەكتەرێكی دیكە تێیدا بەشدارن.

(وینزدای ئادەمز)كەسایەتییەكی خەیاڵییە و بەشێكی سەرەكییە لە نێو چیرۆكی ئەم درامایە,لە لایەن هونەرمەندی وێنەكێشی ئەمریكی(چارلز ئادەم/1912-1988)بەرهەمهاتووە كە بۆ یەكەم جار ساڵی 1938لەسەر هەفتەنامەی نیویۆركەر بڵاوكرایەوە,ئەم كەسایەتییە كچێكە تەمەنی 7 ساڵەو ئەندامێكە لە خێزانی ئادەمز,بەوە ناسراوە كە هەمیشە كەم قسەیە و لەسەرخۆیە بەڵام لە ڕاستیدا لێبووردە نییە بە پێچەوانەوە كەسێكی ترسناكە و چاوەڕێی دەرفەت دەكات و پلان بۆ كارەكانی داهاتووی دادەڕێژێت,خێزانی ئادەمز كە لە چوارچیوەی كارێكی فانتازیی و كۆمیدییە ئەوان لەناو یەك ماڵدا پێكەوە دەژێن و تەواو لەیەكتر جیاوازن, كۆمەڵێك چیرۆك و بەسەر هات دەگێڕنەوەو تووشی هەندێ ڕووداو دەبنەوە كە دواتر لێكۆڵینەوەی پۆلیس و گەڕان بە دوای بەڵگەكان شتی نوێ ئاشكرا دەكات.

گوڵان-ئاسۆ كاكەیی