ئالین هونەرمەندی رۆژئاوای کوردستان، رایگەیاند لە چەند ڕۆژی داهاتوودا بە بۆنەی هاتنی ساڵی نوێوە گۆرانییەك بە زمانی سریانی پێشکەش دەکات,سەبارەت بە هۆکاری وتنی گۆرانی بە سریانی ناوبراو لە لێدوانێکدا وتی:هەموو پارچەکانی کوردستان شوێنی پێکەوەژیانی نێوان پێکهاتە ئایینی و نەتەوەییەکان بووە,هیچ کاتێك هەست بە جیاکاری نەکراوە،من لە ژینگەیەکدا گەورە بووم دۆستایەتی و هاوڕێیەتیم لەگەڵ کریستیانەکان هەبووە، هەر ئەوەش وایکرد کە بە زمانی سریانی گۆرانی بڵێم و شارەزایی لە زمانیان هەبێت,ئەوەشی راگەیاند:بەبۆنەی سەری ساڵی نوێوە گۆرانی(حۆنلێ حۆنلێ) بە شێوازێکی نوێ و جیاواز پێشکەش بە خوشك و برا کریستیانەکان دەکەم,هیوادارم بە دڵیان بێت و لێرەوە پیرۆزبایی ساڵی نوێیان لێدەکەم,هیوادارم ساڵی نوێ بۆ هەموو لایەکمان ساڵی تەبایی و خۆشگوزەرانی بێت و هاتنەدیی هیوا و ئاواتەکانی گەلی کوردستان بێت لە هەموو پارچەکان.