لە شاری هەولێر(شیوەنێك بۆ هەڵەبجە) نمایش كرا
لەدرێژەی کارو چالاکیەکانی فیستیڤاڵی (ئازادی و نەورۆز) ئەمڕۆ 2022/3/16 لەیادی 34 ساڵەی کیمیا بارانکردنی شاری هەڵەبجە, بەڕێوەبەرایەتی هونەری شانۆی هەولێر لەشێوەی شانۆی سەرشەقام شانۆیی (شیوەنێک بۆ هەڵەبجە)ی لەگۆڕەپانی باخچەی ناوەندی شاری هەولێر پێشکەش کرد .
ئەم شانۆگەرییە مامۆستا (هیوا سعاد یونس) كاری دەرهێنانی ئەنجامداوەو چەند ئەكتەرێك و موسیزیانێك بە ئامێری دەف بەشداربوون, هەروەها کۆمەڵێک لەبەرپرسانی ئیداری و حزبی و هونەردۆستان ئامادەی بینینی نمایشەكە بوون .
شایەنی باسە هەموو ساڵێک لەیادی ئەو کارەساتە دڵتەزێنە بەڕێوەبەرایەتی هونەری شانۆ لەهەولێر بەچەند چالاکیەک یادی ئەو مەرگەساتە خەمگینە دەکاتەوەو بینەرێکی بەرچاوی شارەکە ئامادەی نمایشەکە دەبن .
ئاسۆ كاكەیی
