بۆ یادی ڕاپەڕینی شاری سلێمانی فیستیڤاڵێكی هونەری ساز دەكرێت
بۆ بەرز ڕاگرتنی یادی ڕاپەڕینی شاری سلێمانی, بڕیارە كاتژمێر 4ی پاشنیوەڕۆ ڕۆژی دووشەممە بەرواری 7/3/2022 لە هۆڵی سینەما سالم فێستیڤاڵێكی هونەری ساز بكرێت .
بۆ یادكردنەوەی ئەم بۆنەیە لەلایەن ژماریەك هونەرمەندەوە خوێندنەوەی شیعر و چڕینی گۆرانی و ئاواز پێشكەش بە ئامادەبوان دەكرێت .
ئەم فیستیڤاڵە كە بە هەماهەنگی ڕێكخراوی كوردستان دیالۆگ لە شاری سلێمانی ساز دەكرێت, ژمارەیەك شاعیر و هونەرمەند تێیدا بەشدار دەبن, كە ئەوانیش بریتین لە (بەهات حەسیب قەرەداغی- حەمید بانەیی- بیلال كەیوانی- هەڵۆ شێركۆ بێكەس- ئاری عەبدولەتیف), هەروەها لەم فیستیڤاڵە هونەرمەند دیاری قەرەداغی گۆرانی (بۆنی خاك) پێشكەش دەكات .
ئاسۆ كاكەیی
