مەسرور بارزانی: هێرشەکەی ئەمشەوی بەغدا خەمباری کردم
رووبەڕووبوونەوەی هەڕەشەکان پێویستی بە هەماهەنگی بەهێزترە
مەسرور بارزانی، سەرۆکی حکومەتی هەرێمی کوردستان، لە تویتێکدا لە بارەی تەقینەوەکەی بازاڕێکی ناوچەی سەدری بەغدا رایگەیاند، بە رووداوەکە خەمبار بووم.
سەرۆکی حکومەتی هەرێمی کوردستان لە هەژماری تایبەتی خۆی لە تۆڕی کۆمەڵایەتی تویتەر نووسیویەتی: "ئەوەی روویدا هەڕەشەی بەردەوامی تیرۆریستانمان بەبیردەهێنێتەوە لەسەر تەواوی عێراقییەکان و رووبەڕووبوونەوەی ئەو هەڕەشانەش پێویستی بە هەماهەنگی بەهێزترە".
سەرۆکی حکومەت لە تویتەکەدا هاوسۆزی حکومەتی هەرێم بۆ قوربانیانی رووداوەکەش دەردەبڕێت.
