دوابەدوای ئاگرکەوتنەوەکەی کەمپی شاریای سەر بە پارێزگای دهۆک کە ئاوارە ئێزدییەکان تیایدا نیشتەجێن و لە ئاكامدا٣٧٠ خێوەت سووتان کە ١٨٤ خێزان تیایاندا نیشتەجێبوون و سەرجەم کەلوپەل و سامانیان سووتا.

 باڵیۆزخانەی ئەمریکا لە عێراق لە ڕاگەیەندراوێکدا هاوخەمیی خۆی سەبارەت بە ڕووداوەکە دەربڕی و ئاماژەی بەوەش كرد كە لەگەڵ ھاوبەشەکانیان لە کەمپی شاریا لەوانە کۆمسیۆنی نەتەوە یەکگرتووەکان بۆ کاروباری ئاوارەکان و ڕێکخراوی یونسێف و ڕێکخراوی تەندروستیی جیھانی لە پەیوەندیدان بۆ پێشکەشکردنی یارمەتی مرۆیی بۆ ئەو کەسانەی کە بەھۆی ئاگرکەوتنەوەکەوە زیانیان بەرکەوتووە.

هەروەها باڵیۆزخانەكە دووپاتی كردەوە كە زۆر گرنگە ھەوڵی بدرێت چارەسەری یەکجارەکی و کۆتایی ھێنان بە دۆسیەی ئاوارەکان لە عێراق بدۆزرێتەوە، بە شێوەیەك ئاوارەکان ئارەزوومەندانە و لە ڕەوشێکی ئارامدا بگەڕێندرێنەوە زێدی خۆیان.

شایانی باسە کەمپی شاریا دەکەوێتە باشووری شاری دھۆک و ھاووڵاتییانی ئێزدی تێدا نیشتەجێین کە بەھۆی ھێرش و پەلامارەکانی ۆێکخراوی تیرۆریستی داعش بۆسەر شنگال لە ھاوینی ٢٠١٤دا ئاوارە بوون.