سەرلەبەیانیی ئەمڕۆ یەکشەممە پێنج کۆڵبەر لە یەکێک لە سنوورەکانی مەریوان بە تەقەی هێزە چەکدارەکانی ئێران بریندار بوون و بۆ ناوەندە دەرمانییەکانی ئەو شارە گوازراونەتەوە.

بەپێی هەواڵی ڕێکخراوی (هەنگاو) بۆ مافەکانی مرۆڤ، سەرلەبەیانیی ئەمڕۆ یەکشەممە ٢٥ی٤ی٢٠٢١ هێزەکانی سەر سنووری قوڵقوڵە لە شاری مەریوان، تەقەیان لە کاروانێکی کۆڵبەران کردووە و لانیکەم پێنج کۆڵبەر بریندار کراون.

ناو و ناسنامەی ئەو پێنج کۆڵبەرە بریتییە لە: "کاروان مەنووچێهری، زانیار حاتەم پەناه، سەلاح وەتەندۆست، سۆران وەتەندۆست و ئارام مەنووچێهری" کە خەڵکی شاری مەریوان و گوندی میراوای ئەم شارەن.

بەپێی هەمان سەرچاوە ئەم کۆڵبەرانە دوای ئەوەی کەوتوونەتە بۆسەی هیزەکانی سەر سنوور بریندار بوون و تا ئێستا چارەنووسی لانیکەم ٣٠ کۆڵبەری دیکەی کاروانەکە نادیارە.

ئەم پێنج کۆڵبەرە بۆ نەخۆشخانەی "بووعەلی"ی مەریوان گوازراونەتەوە.









باسنيوز