هێزەکانی تورکیا بە فرۆکەی جەنگی و هێلی کۆپتەر بنکە و بارەگاکانی پەکەکەیان لە چەند ناوچەکەی باشووری کوردستان بۆردومان کرد.

میدیاکانی تورکیا بڵاویانکردووەتەوە، کە فڕۆکە جەنگییەکانی تورکیا چەند کاتژمێرێکە بە شێوەیەکی فراوان دەستیان بە بۆردوومانکردنی بنکە و بارەگاکانی پەکەکە لە چەند ناوچەیەکی باشووری کوردستان کردووە و بەگوێرەی زانیارییەکانیش تورکیا هەریەک لە ناوچەکانی مەتین، ئاڤاشین، زاب و قەندیل بۆردومان دەکات.

لەمبارەیەوە سەربەست سەبری، بەڕێوەبەری شارەدێی (کانی ماسی) بە (کوردستان24)ی راگەیاندووە: "چەند گوندێکی ناوچەکە لەلایەن فڕۆکە جەنگییەکان و هەلیکۆپتەری تورکیاوە لەو پێگانەی بنکەکانی پەکەکەی لێ هەن، بۆردومان کراون".

به‌هۆی بوونی بنكه‌ و باره‌گاكانی په‌كه‌كه‌ له‌ سنووری هه‌رێمی كوردستان، فڕۆكه‌ جه‌نگییه‌كانی توركیا به‌ به‌رده‌وام ده‌ڤه‌ر و ناوچه‌ سنوورییه‌كانی هه‌رێمی كوردستان بۆردومان ده‌كه‌ن و زیانی سه‌ره‌كی به‌ر هاووڵاتییانی هه‌رێمی كوردستان كه‌وتووه‌ و ساڵانه‌ به‌ ده‌یان كه‌س شه‌هید و بریندار ده‌بن و زیانێكی زۆری ماددیش به‌ گوندنشینانی ئه‌و ده‌ڤه‌رانه‌ ده‌گات.












باسنيوز