به‌رپرسێكی ته‌ندروستی ڕای ده‌گه‌یه‌نێ، ئه‌و كه‌سانه‌ی ڤاكسینی دژه‌كۆرۆنایان وه‌رگرتووه‌، دوای وه‌رگرتنی ژه‌می دووه‌م، به‌رگری بۆ ڤایرۆسه‌كه‌ دروست ده‌كه‌ن، بۆیه‌ پێویسته‌ ڕێنوێنییه‌ خۆپارێزییه‌كان به‌كار بهێنن.

ئه‌مڕۆ شه‌ممه‌ 24/4/2021، جاسم حیجامی، به‌ڕێوه‌به‌ری ته‌ندروستیی كه‌رتی كه‌رخی به‌غدا، له‌ لێدوانێكی مێدیاییدا ئاشكرای كردووه‌، كه‌ ئه‌و كه‌سانه‌ی ڤاكسینی دژه‌كۆرۆنایان وه‌رگرتووه‌، پێویسته‌ له‌ خۆپارێزییه‌ ته‌ندروستییه‌كان دژی په‌تاكه‌ به‌رده‌وام بن و په‌یڕه‌وكردنی ڕێنوێنییه‌كان نه‌شكێنن، چونكه‌ له‌ هه‌فته‌كانی یه‌كه‌می لێدانی پێكوته‌دا به‌رگریی دژی ڤایرۆسه‌كه‌ پێك نایه‌ و دوای چه‌ند هه‌فته‌یه‌ك، یان وه‌رگرتنی ژه‌می دووه‌می پێكوته‌كه‌ ئه‌و به‌رگرییه‌ دروست ده‌بێ.

ئه‌وه‌شی دووپات كرده‌وه‌، كه‌ بۆ خۆكوتین به‌ ڤاكسینی دژه‌كۆرۆنا، پێویست به‌ هیچ ترس و دڵه‌ڕاوكێ و دوودڵییه‌ك ناكا.

ئاشكراشی كرد، كه‌ ڕێژه‌ی كوتین به‌ پێكوته‌كه‌، له‌ عێراق گه‌ییشتووه‌ته‌ 5 كه‌س له‌ هه‌ر هه‌زار كه‌سێك.




باسنیوز