وەزارەتی کارەبا ئاگادارییەکی لەبارەی پێدانی کاتژمێرەکانی کارەبا بە هاووڵاتییان بڵاو کردەوە
كۆنترۆڵی كارەبای هەرێمی کوردستان لە راگەیاندراوێکدا کە تێیدا بڵاویکردووەتەوە: "هاوبەشانی كارەبا ئاگادار دەكەینەوە كە رێكەوتی 18/4/2021 لەكاتژمێر 4ی بەیانییەوە تاوەكو كاتژمێر 12ی نیوەڕۆ كۆمپانیای داناغاز بەسەرپەرشتی وەزارەتی سامانە سروشتییەكان هەڵدەستێت بەئیشوكاری چاكسازیی لەكێڵگەی كۆرمۆر بۆ زیادكردنی بەرهەمهێنانی غازی سروشتی و خۆئامادەكردن بۆ وەرزی هاوین".
هەروەها وەزارەتی کارەبا جەختی کردۆتەوە، لەو ماوەیەدا هەناردەكردنی بڕە غازی پێویست بۆ وێستگەكانی بەرهەمهێنان رادەوەستێت و بەرهەمهێنانی كارەبا كەم دەبێتەوە.
ئەوەش خراوەتە روو، کە تیمەكانی كۆنترۆڵی كارەبا و بەهەماهەنگی لەگەڵ وێستگەكانی گۆڕین كار بۆ ئەوە دەكەن لەو 12 كاتژمێرەدا كەمترین كاریگەریی لەسەر ماوەكانی پێدانی كارەبا بە هاووڵاتییان هەبێت.
باسنیوز
