پۆلیسی راپەڕین: تەرمی کچە خوێندکارێک گەیێندرایە نەخۆشخانەی رانیە
بەپێی راگەیێندراوی پۆلیسی راپەڕین، کاژێر 03:20 خولەکی دوای نیوەڕۆی ئەمڕۆ تەرمی کچێکی تەمەن 23 ساڵ بەناوی (س. خ. ر) گەیێندراوەتە نەخۆشخانەی گشتیی رانیە کە پیشەی خوێندکار و دانیشتووی گەڕەکی نەورۆزە لە رانیە، "شوێنەواری برینی پەت بە ملیەوە بووە".
پۆلیسی راپەڕین دەڵێت، دوای ئەوەی لەلایەن پزیشکەوە مردنی کچەکە پشتڕاستکرایەوە، تەرمەکەی گواسترایەوە بۆ پزیشکی دادوەریی رانیە و دوای ئەنجامدانی توێکاری رادەستی کەسوکاری کرایەوە.
پۆلیسی بەڵگەکانی تاوانی راپەڕین چوونە شوێنی رووداوەکە لە رانیە و بەگوێرەی لێکۆڵینەوە سەرەتاییەکان "پێدەچێت رووداوەکە خۆهەڵواسین بێت. لە شوێنی رووداوەکەش دەستگیرا بەسەر ئەو لەچکەی کە ناوبراو پێوەی هەڵواسرابوو".
مەلەفی لێکۆڵینەوە بۆ رووداوەکە کراوەتەوە و لێکۆڵینەوە لە هۆکاری راستەقینەی رووداوەکەش بەردەوامە.
rudaw -
