ئاسایشی راپەرین رایدەگەیەنێت، لە سنووری پشدەر دوو کەسیان بە بڕێک ماددەی ھۆشبەرەوە دەستگیر کردووە.

ئه‌مڕۆ یه‌كشه‌ممه‌ 4/4/2021، محەمەد فازڵ، گوتەبێژی ئاسایشی راپەرین، رایگەیاند: "بۆ ڕێگری لە بڵاوبوونەوە و بازرگانیكردن و بەكارهێنانی ماددەی هۆشبەره‌وه‌، لە لایەن بەشی ماددە هۆشبەرەكان و بە هاوكاریی بەشی جموجۆڵی بەڕێوەبەرایەتیمان دوای وەرگرتنی فەرمانی دادوەر لە گوندی توەسورانی ناحیەی سەنگەسەر لە قەزای پشدەر، دوو كەس بە ناوەكانی (ب، خ، م) و (ح، ع، ئ) دەستگیر كران، كە بڕی دوو كیلۆ گرام ماددەی هۆشبەر لە جۆری (تلیاک)یان پێ گیراوە".

گوتەبێژی ئاسایشی راپەرین راشیگەیاند: "لەسەر بڕیاری دادوەری دادگای لێكۆڵینەوەی پشدەر به‌ پێی مادده‌ی ( 26)ی یاسای بەرەنگاربوونەوەی ماددەهۆشبەرەكان و كارتێكەرە ئەقڵییەكان، پەڕاوی لێكۆڵینەوە بۆ تۆمه‌تباران كراوەتەوە و لێكۆڵینەوە بەردەوامە".













باسنیوز