وەزیری ئاوەدانکردنەوەی حکوومەتی ھەرێمی کوردستان، دەچێتە پەرلەمانی كوردستان و لەگەڵ لیژنەی ئاوەدانکردنەوەو وەبەرھێنان کۆدەبێتەوە و گفتوگۆ له‌سه‌ر پڕۆژه‌كانی وه‌به‌رهێنان و یه‌كه‌كانی نیشته‌جێبوون ده‌كرێ.

كاتژمێر 11:00ـی ئه‌مڕۆ سێشه‌ممه‌ 2/2/2021، دانا عەبدولکەریم، وەزیری ئاوەدانکردنەوە و نیشته‌جێبوونی حکوومەتی ھەرێمی کوردستان، دەچێتە پەرلەمان و لەگەڵ لیژنەی ئاوەدانکردنەوەوەبەرھێنان کۆدەبێتەوە.

لە بارەی تەوەری کۆبوونەوەکە، ئاشكرای كرد كه‌ گفتوگۆ لە بارەی پرۆژەکانی وەبەرھێنان و یەکەکانی نیشتەجێبون دەکرێت، بە تایبەت ئەو یەکه‌ نیشتەجێبوونانه‌ی‌ بەشێکیان تەواو بوون و بەشێکیان کارکردن تێیاندا بەردەوامە.

لەو کۆبوونەوەیەدا، وەزیری ئاوەدانکردنەوەی حکوومەتی ھەرێمی کوردستان پرۆژەکانی کابینەی نۆیه‌م لەو وەزارەتە دەخاتە بەردەم لیژنەی ئاوەدانکردنەوە و وه‌بەرھێنانی پەرلەمان.





باسنيوز