نیوەڕۆی ئەمڕۆ تیرۆریستانی داعش لە سنووری قەزای حەویجەی سەر بە پارێزگای كەركووك، هێرشیان كردە سەر هێزەكانی پۆلیسی فیدڕاڵی و له‌ ئاكامدا پۆلیسێك گیانی له‌ ده‌ست دا و پۆلیسێكی دیكه‌ بریندار بوو.

عەمید فەتاح مەحموود، بەڕێوەبەری پۆلیسی حەویجە رایگەیاند: "نیوەڕۆی ئەمڕۆ یەكشەمە 20/12/2020، لە گوندی سەعدونیەی نزیك قەزای حەویجە، تیرۆیستانی داعش هێرشان كردە سەر هێزەكانی پۆلیسی فیدراڵی و بەو هۆیەوە پۆلیسێك گیانی له‌ ده‌ست دا و پۆلیسێكی دیكه‌ برینداربووە، دوای هێرشه‌كه‌ش بۆ شوێنێكی نادیار هه‌ڵاتوون."

ئاشكراشی كرد، كه‌ ئه‌و پۆلیسه‌ی گیانی له‌ ده‌ست داوه‌، خه‌ڵكی پارێزگای سه‌ڵاحه‌ددینه‌.












باسنیوز