بەرێوەبەرایەتی هاتوچۆی پارێزگای هەولێر شۆفێران لە مەترسییەک لەسەر رێگای سەرەکی باسرمە لە دەشتی هەریر ئاگادار دەکاتەوە.

ئێوارەی ئەمڕۆ چوارشەممە 16ی12ی2020، فازڵ حاجی، گوتەبێژی هاتوچۆی هەولێر لە هەژماری فەرمی خۆی لە تۆڕی کۆمەڵایەتیی (فەیسبووک) بڵاویکردووەتەوە: "ئاگاداری سەرجەم شۆفێران و هاووڵاتییان دەکەینەوە کەوا لەبەر بارینی بارانی زۆر لە دەشتی هەریر لەسەر شەقامی سەرەکی باسرمە لە نزیک گوندی ئافریان تاشە بەردێکی گەورە کەوتۆتە سەرشەقام ومەترسی دارمانی زیاتریش هەیە".

دەشڵێت: "بۆیە پێویستە لەو ناوچەیە بەئاگاییەوە لێخورین بکەن و رەچاوی بەردە کەوتووەکان بکەن بۆئەوەی تووشی رووداو نەبنەوە".













باسنيوز