لە نووسراوێکی فەرمیدا، کە ئاراستەی کەناڵی پەیامی کۆمەڵی ئیسلامی کراوە، وەزارەتی رۆشنبیری هۆشداری توندی داوەتە ئەو کەناڵە.

بەپێی نووسراوەکە، ئاگاداری بەرپرسانی کەناڵی پەیام کراوەتەوە، کە دەست لە پەخشکردنی دیمەنی توندوتیژی، سوتاندنی بارەگا حزبییەکان و فەرمانگە حکوومییەکان هەڵگرن و هاندانی ڕاستەوخۆ یان ناڕاستەوخۆی بینەران بۆ توندوتیژی و ئاژاوەگێڕی و تێکدانی ئاشتەوایی کۆمەڵایەتی راگرن.

وەزارەتی رۆشنبیری هۆشداریی داوەتە ئیدارەی کەناڵەکەی کۆمەڵی ئیسلامی، کە ئەگەر بەردەوام بن لە هاندانی توندوتیژی، ئەوا پاڵپشت بە رێنمایی و یاساکان، ئەوا ”ناچارین ڕێکاری یاسایی توند بگرینە بەر“.













باسنیوز