شاندێکی پەرلەمان کوردستان دەچێتە بەغدا و داوای ماف و شایستە داراییەکانی جووتیارانى هه‌رێمى كوردستان دەکات.

ئەمڕۆ سێشه‌ممه‌ 8/12/2020، شاندێکی پەرلەمانی کوردستان کە لە لێژنەی کشتوکاڵ پێکدێن، دەچنە بەغدا و لەگەڵ لایەنە پەیوەندیدارەکانی عێراق کۆ دەبنەوە.

باسى له‌وه‌ش كرد، ئەوان داوا دەکەن حکوومەتی عێراق پابەندی بەڵێنەکانی بێت کە شایستەی دارایی جووتیاران بۆ ساڵەکانی 2015 و 2016 و 2017 بنێرێت و یاداشتێکیش دەدەنە لایەنە عێراقییەکان و لەگەڵ وەزیری کشتوکاڵ و سەرۆکایەتیی پەرلەمان و لێژنەی کشتوکاڵ کۆ دەبنەوە.

لەو یاداشتە داواش دەکەن ماف و شایستە و قەرزی جووتیارانی ھەرێمی کوردستانیش وەک ناوچەکانی دیکە خەرج بکرێت و ھاوتای جووتیارانی پارێزگاکانی ناوەڕاستی باشووری عێراق بکرێت.

حکوومەتی عێراق شایستەی سێ ساڵی جووتیارانی هه‌رێمى كوردستان لایە، کە نزیکەى 520 ملیار دینارە، تا ئێستاش ئامادە نییە بیداتە جووتیارانى هه‌رێمى كوردستان.













باسنیوز