بریارە سبەی ھەردوو وەزیری پەروەردە و خوێندنی باڵای حكوومه‌تی هه‌رێمی كوردستان، له‌ لایه‌ن لیژنه‌ی په‌یوه‌ندیدار له‌ پەرلەمانی کوردستان میوانداری بكرێن و گفتوگۆ لەبارەی چارەنووسی پرۆسەی خوێندنی ئەمساڵ و چەند کێشەیەکی دیکە بکەن.

حەسیبە گەردی، ئەندامی لیژنەی پەروەردە و خوێندنی باڵا له‌ په‌رله‌مانی كوردستان رایگەیاند، سبەی یەکشممە 6/12/2020، كاتژمێر 11:00ـی پێشنیوه‌ڕۆ ھەردوو وەزیری پەروەردە و خوێندنی باڵای حکوومەتی ھەرێمی کوردستان میوانداری لیژنەكه‌مان دەکەین.

له‌ باره‌ی هۆكاری میوانداریكردنه‌كه‌ش، ئه‌وه‌ی خسته‌ ڕوو، كه‌ ئه‌و دوو وه‌زیره‌ی حكوومه‌تی هه‌رێمی كوردستان، پوختەیەک لە بارەی پرۆسەی خوێندنی ئەمساڵ دەخەنە روو، "ئێمەش لە بارەی چارەنووسی پرۆسەی خوێندنه‌وه‌ گفتوگۆیان لەگەڵ دەکەین، جگە لەم پرسانەش گفتوگۆ لەسه‌ر چه‌ند کێشەیه‌كی دیکە و کرێی خوێندن زانکۆ پەیمانگاکان دەکەین".














باسنیوز