لە سبەینێ سێشەممەوە پرۆسەی دابەشكردنی هاوكارییەكەمی حكوومەتی هەرێمی كوردستان بەسەر زیاتر لە حەوت هەزار خێزانی هەژار و كەمدرامەتی سنووری گەرمیاندا دەست پێ دەكات.

دەروون عومەر، بەڕێوەبەری بەڕێوەبەرایەتیی چاودێری و گەشەپێدانی كۆمەڵایەتیی گەرمیان، رايگەیاند: "لە سبەینێ سێشەممە 24/11/2020وە پرۆسەی دابەشكردنی بڕی 100 هەزار دینارەكەی حكوومەتی هەرێمی کوردستان بەسەر بنەماڵە هەژار و كەمدەرامەتەكانی سنووری گەرمیاندا دەست پێ دەكات."

گوتیشی: "هەموو ئەو خێزانانەش لە سنووری گەرمیان لەم هاوكارییە مادییە سوودمەند دەبن، پێكهاتووە لە حەوت هەزار و 200 خێزانی شایستە و هەژاری سنووری گەرمیان."

دەروون عومەر راشی گەیاند: "لەگەڵ بانكەكان ڕێك کەتوون و هەموو كارئاسانییەك كراوە و لیستی ناوەكان ڕەوانەی بانكەكان كراوە، بەمەبەستی دەستپێكردنی پرۆسەی دابەشكردنی پارەكە كە بۆ هەر خێزانێك بڕی۱۰۰ هەزار دینارە و لە سبەینێوە پرۆسەی دابەشكردنی پارەكە لە قەزای كفری و لە بانكی كفری دەست پێ دەكات و ڕۆژی چوارشەممەش لە بانكی شێروانە لە شاری كەلار هەموو سوودمەندانی ناحییەكانی دەوربەری شاری كەلار دەتوانن سەردانی بانکی شێروانە بكەن."













باسنيوز