مەسعود حەیدەر، پەرلەمانتاری پێشووی عێراق کە ساڵانێک لە لێژنەی دارایی پەرلەمان کاری کردووە، لە نووسینێکیدا ڕایگەیاند: "بەپێی ماددەی ١١٧ و ١٢١ ى دەستووری هەمیشەیی عێراق، قەوارەی ھەرێمی کوردستان و دەسەڵاتەکانی دیاری کراوە و حکوومەتی فیدراڵی لە رێگەی حکوومەتی ھەرێمی کوردستانەوە مامەڵەی کارگێڕی و دارایی لەگەڵ مووچەخۆرانی ھەرێمی کوردستان دەکات".

لەبارەی ئەو بانگەشانەی چەند پەرلەمانتارێکی کوردی دژ بە هەرێمی کوردستان و سروە عەبدولواحیدی خوشکی شاسوار عەبدولواحید دەیکەن هەرچەندە خۆشیان رابردووێکی شەرەفمەندانەیان لەگەڵ کاری پەرلەمانتاریدا نییە و دەڵێن گوایە ئیمزایان کۆکردۆتەوە بۆ ئەوەی مووچەی فەرمانبەرانی هەرێمی کوردستان ڕاستەوخۆ له ڕێگەی بەغداوە بدرێ، مەسعود حەیدەر دەڵێت: "نابێ موزایەدە بەم بابەتەوە بکرێت لەلایەن ھیچ حزب و کەسێکەوە بۆ ئامانجی سیاسی، دەبێ ھەموو تواناکان یەک بخرێن بۆ ئەوەی ئەو ٣٢٠ ملیار دینارە مانگانە خەرج بکرێت٫ تاوەکوو دەرکردنی یاسای بودجەی ساڵی ٢٠٢١ی عێراق.

جەختیشی کردۆتەوە: "لە دەرەوەی ئەم چوارچێوەیە ھەر قسەیەک بکرێت تەنھا بۆ موزایەدات و ئامانجی سیاسیی حزبی و شەخسییە".




باسنيوز