بابەشێخی نوێی کوردانی ئێزدی بە بۆنەی کۆچی دوایی د. فرسەت سۆفی پارێزگاری هەولێر پەیامێکی سەرەخۆشیی ئاراستەی کەسوکار و بنەماڵە و خەڵکی پارێزگای هەولێر کردووە.

لە بەشێک لە پەیامەکەی بابەشێخی ئێزدیاندا هاتووە: "هەروەک دیارە کۆچکردوو گەنجێکی خوێندەوار و کەسێکی خزمەتکار و خەمخۆری خەڵک و هاووڵاتییان بووە و لەدەستدانی پارێزگاری هەولێر خەسارێکی مەزنە".

دەقی پەیامەکەی باباەشێخی ئیزدیان:

بە دەستووری خودا

هاوکات لەگەڵ ڕێوڕەسمی دیاریکردنی ئێمە وەک بابەشێخی ئێزدیان، هەواڵی کۆچی دوایی د. فرسەت سۆفی پارێزگاری هەولێریشمان پێ گەیشت.

بەو بۆنەوە خەمناکەوە، هاوخەمی و سەرساخیی خۆمان بۆ بنەماڵە و سەرکردایەتیی کوردستان و سەرۆکایەتیی حکوومەتی هەرێمی کوردستان و خەڵکی هەولێر پایتەختی هەرێمی کوردستان و دۆست و هەڤاڵانی کۆچکردوو ڕادەگەیەنین.

هەروەک دیارە کۆچکردوو گەنجێکی خوێندەوار و کەسێکی خزمەتکار و خەمخۆری خەڵک و هاووڵاتییان بووە و لەدەستدانی پارێزگاری هەولێر خەسارێکی مەزنە.

لە خوای مەزن داواکارین بیخاتە بەر ڕەحمەت و جێگەی بەهەشتی بەرین بێت و سەبر و سەرساخیش بە هەموو لایەک ببەخشێت.

روحا ره‌حمانی..نابت فانی

هه‌ردێ زڤرته‌ به‌رده‌ستێ خودانی

بابە شێخێ ئێزدیا

١٩ی تشرینا دووێ ٢٠٢٠









باسنيوز