سكرتێری حزبی سۆسیالیست دیموكراتی كوردستان پەیامێکی هاوخەمی بۆ کۆچی دوایی د. فرسەت سۆفی، پارێزگاری هەولێر بڵاوکردەوە.

محەمەدی حاجی مەحمود، سكرتێری حزبی سۆسیالیست دیموكراتی كوردستان لە پەیامێکی هاوخەمیدا بۆ کۆچی دوایی د. فرسەت سۆفی رایگەیاندووە: "لە دەستدانی د. فرسەت خەسارەتێک بوو لە سەرجەم خەڵکی کوردستان و شاری ھەولێر و هەموولایەکمان کەوت".

دەقی پەیامەکە:

محەمەد حاجی مەحموود سەرەخۆشی لە خانەوادەی د. فرسەت سۆفی پارێزگاری هەولێر دەکات

بەناوی خوای گەورەو میهرەبان

بەڕێزان بنەماڵەو کەسوكاری خوالێخۆشبوو د. فرسەت سۆفی پارێزگاری هەولێر، به‌خه‌م و په‌ژاره‌یه‌کی زۆره‌وه‌ هه‌واڵی کۆچی دوایی د. فرسەت پیاوێکی هێمن و لەسەرخۆ مان پێگەیشت. خوالێخۆشبوو هەمیشە پەرۆشی یەکڕیزیی سیاسیی کوردستان بوو، لە دەستدانی د. فرسەت خەسارەتێک بوو لە سەرجەم خەڵکی کوردستان و شاری ھەولێر و هەموولایەکمان کەوت.

لە ناخەوە دڵگرانی کۆچی دوایی د. فرسەت ین، هاوبه‌شی خه‌می گه‌وره‌ی خێزان و بنه‌ماڵه‌و کەسوکارو هاوكارانی لە حكوومەت و پارێزگاو تەواوی خەڵكی شاری هەولێر ین‌.

له‌ خوای گه‌وره‌ داواکارین گیانی پاکی د. فرسەت بە‌ به‌هه‌شتی به‌رین ببەخشێت و سه‌بوری و ئارامی به‌دڵی هەموولایەکمان ببه‌خشێت.

انا للە وانا الیە راجعون
لەگەڵ ڕێزمدا
محه‌مه‌د حاجی مه‌حموود
۲٠۲٠/۱۱/۱۸
گوڵەخانە










باسنيوز