له‌كاتی رێكخستنی زه‌ویه‌كه‌ی بۆ بنیادنانی خانوو، هاووڵاتیه‌ك له‌ گوندی "مه‌میخه‌لان"ی سه‌ربه‌قه‌زای چۆمان چه‌ند گۆزه‌یه‌ك ده‌دۆزیته‌وه‌ و لایه‌نی په‌یوه‌نداری لێ ئاگادارده‌كاته‌وه‌. تیمێكی شوێنه‌وارناسی به‌ڕێوه‌به‌رایه‌تی شوێنه‌واری سۆران لێكۆڵینه‌وه‌ له‌و ناوچه‌یه‌ ده‌كه‌ن. تیمه‌ شوێنه‌واریه‌كه‌ی كردووه‌ بۆ خستنه‌ڕووی زانیاری سه‌باره‌ت به‌و ناوچه‌ شوێنه‌واریه‌.

نه‌خشه‌ی جیهانی شوێنه‌وار شوێنێكی دیكه‌ی تێدا زیادبوو، به‌ووردی هێلكاری بۆ ده‌كه‌ن، به‌نه‌رمی دوای پارچه‌ی مێژوویی و شوێنه‌واریدا ده‌گه‌ڕێن، تیمی به‌ڕێوه‌به‌رایه‌تی شوینه‌واری سۆرانه ‌و پشكنین له‌ناوچه‌یه‌كی شوینه‌واری ده‌كه‌ن وه‌ك تۆمارێكی نوێ، گوندی "مه‌میخه‌لان"ه‌ له‌چۆمان، له هه‌وڵیكی گوندنشینان بۆ هێنانی رێگا، له‌گه‌ڵ كاركردنیان پارچه‌ گۆزه‌ی شكاویان به‌رچاو كەوت. خاوه‌نی ئه‌و زه‌وییه‌ چیرۆكی دۆزینه‌وه‌ و چۆنیه‌تی ئاگاداركردنه‌وه‌ی لایه‌نی په‌یوه‌ندار ده‌گێڕێته‌وه. دوو گۆزه‌ی شكاو هێشتا له‌نێو خۆڵداماون، یه‌كێكی دیكه‌یان به‌ ساخی پاراستووه‌ و نه‌خشه‌كانی سه‌رگۆزه‌كه‌ سه‌رنجی ئه‌و شاره‌زاییه‌ی بواری شوینه‌واری راكێشاوه‌.

زانیاریه‌ سه‌ره‌تاییه‌كانی پارچه ‌و ناوچه‌ شوینه‌واریه‌كه‌ ده‌خاته‌ڕوو، له‌گه‌ڵ ئه‌م ناوچه‌ نوێیه‌‌ كۆی گشتی ناوچه‌ شوینه‌واریه‌ تۆماركراوه‌كان له‌سنووری به‌ڕێوه‌به‌رایه‌تی شوێنه‌واری سۆران له‌ قه‌زاكانی (مێرگه‌سۆر، رەواندز، چۆمان و سۆران) گه‌یشته‌ (1003) ناوچه‌ی شوێنه‌واری و له‌سه‌ر ئاستی هه‌رێمی كوردستانیش تا ئێستا (3500)شوێن وه‌ك ناوچه‌ی شوێنه‌واری تۆماركراون، كه‌به‌شێكیان له‌سه‌رئاستی جیهان ناسراون.
k24 -