بەڕێوەبەرایەتیی پۆلیسی پارێزگای هەولیر ئاشکرای کردووە بەشی پۆلیسی شارەوانی بە هەماهەنگی لەگەڵ لیژنەی قایمقامیەت لە سنووری هەولیر دەستیان بەسەر ئامێریکی بیرلێدان و چەندین کەلوپەلی دیکەدا گرتووە.

لەمبارەوە بەڕێوەبەرایەتیی پۆلیسی پارێزگای هەولێر لە پێگەی خۆی لە تۆڕی کۆمەڵایەتیی (فەیسبووک) بڵاوی کردووەتەوە: "بەشی پۆلیسی شارەوانی، بە هەماهەنگی لەگەڵ لیژنەی قایمقامیەتی قەزای ناوەندیی هەولێر، دەستیان بەسەر ئامێری بیرلێدان گرتووە کە بە شێوەیەکی نایاسایی خەریکی لێدانی بیری ئاو بوون".

ئاماژەی بەوەش کردووە: "هاوکات توانرا دەست بەسەر ئامێری بیرلێدانەکە و سەرجەم ئەو کەرستانەدا بگیرێت کە بۆ لێدانی بیرەکە بەکاریان دەهێنا، سەرجەم کەلوپەلەکانیش بەپێی یاسا لەناو براون".












باسنيوز