سەرۆك بارزانی پەیامێكی بڵاو كردەوە و كۆچی دوایی ساڵح مەحموودی پوورزای راگەیاند كە ئەمەش دەقی پەیامەكەیە:



بەناوی خودای مەزن و دلۆڤان

بە داخێكی زۆرەوە شەوی ڕابردوو پوورزام ساڵح مەحموود بە هۆی نەخۆشییەوە كۆچی دوایی كردووە. خوالێخۆشبوو ساڵح پێشمەرگەیەكی دێرین و خەباتگێڕ و لە هەمانكاتدا كەسێكی خواناس و مێژووناسێكی لێهاتوو بوو.

تەمەننای شیفا بۆ هەموو نەخۆشەكان دەخوازین و داواكارین خوای گەورە لە مردووی هەموو لایەك خۆش بێ. لەبەر سەلامەتیی خەڵك پرسە دانانرێت.

انا للە و انا الیه راجعون

مسعود بارزانی

11ـی تشرینی دووەمی 2020