وەزارەتی تەندروستی حکوومەتی هەرێمی کوردستان ئاشکرایکرد کە لە هەولێر كۆمپانیایەكی دەرمان مامەڵەكردن بە دەرمانی نایاساییەوە داخرا.

بەپێی راگەیاندراوێکی بەڕێوەبەرایەتی کوالیتی کۆنتڕۆڵی دەرمان و پێداویستی پزیشکی سەر بە وەزارەتی تەندروستی کە تێیدا هاتووە: لە درێژەی كار و چالاكیەكانی لێژنەكانی چاودێری بازاڕی بەڕێوەبەرایەتی کوالیتی کۆنتڕۆڵی دەرمان و پێداویستی پزیشکی KMCA لە وەزارەتی تەندروستی، پاش پشكنین و بەدواداچوون بەھۆی سەرپێچیكردنی رێنمایی و مامەڵەكردن بە دەرمانی نایاساییەوە كۆمپانیایەكی دەرمان داخرا و ڕێكاری یاسایی بەرانبەر كۆمپانیاكە وەرگیرا.

هەروەها ئاماژە بەوەش کراوە، "گشت کۆمپانیاکانی دەرمان ئاگادار دەکەینەوە کە پێویستە پابەندبن بە رێنماییەکانی سەلامەتی و یاسایی دەرمان بە پێچەوانەوە ڕووبەڕووی یاسا و دادگا دەبنەوە".












باسنيوز