زیاتر لە دوو مانگ پێش ئێستا گەنجێكی كوردی خەڵكی ناحیەی پردێی سەر بە پارێزگای كەركووك، لە كاتی مەلەكردن لە زێی بچووك خنکاوە و تاكوو ئێستا تەرمەكەی نەدۆزاوەتەوە.

ئەمڕۆ پێنجشەممە 5/11/2020، ڕائید هەڤاڵ محەمەد، بەرپرسی بەشی لێكۆڵینەوە لە بنكەی پۆلیسی پردێ، ڕایگەیاند: "زیاتر لە دوو مانگ پێش ئێستا گەنجێكی كوردی دانیشتووی ناحیەی پردێ بە ناوی (ئیبراهیم ستار) تەمەن 20 ساڵ، لە كاتی مەلەكردن لە ئاوی زێی بچووك، خنكاوە و تاكوو ئێستا نەتوانراوە تەرمەكەی بدۆزرێتەوە".

گوتیشی: "بە درێژایی ئەو ماوەیە كە ئەو گەنجە خنكاوە، تیمەكانی مەلەوانی هەر سەرقاڵی گەڕان بوونە بلەناو ئاوەكەدا بۆ ئەوەی تەرمی ئەو گەنجە بدۆزنەوە، كەچی تا ئێستا نەتوانراوە تەرمەكەی بدۆزرێتەوە".

ساڵانە و لە وەرزی هاویندا خەڵكێكی زۆر بەمەبەستی مەلەكردن لە پرسێ ڕوو لە زێ بچووك دەكەن و بەهۆیەوە بەشێكیان بەهۆی ناشارەزایی لە مەلەوانی، لە ئاوەکەدا دەخنكێن.












باسنیوز