دهۆك.. 35 هزار كەس دێ هاریكاریا 100 هزار دیناران وەرگرن
د.شێرزاد حەمید، رێڤەبەرێ گشتی یێ چاڤدێری و جڤاكی ل پارێزگەها دهۆكێ گۆت: "هەلبەت دلخۆشی ڤە بۆ جارا 3 یە حكۆمەتا هەرێما كوردستانێ هاریكاریان ل سەرانسەری هەرێما كۆردستانێ پێشكێشی خێزانێن هەژار و دەستكورت دكەت و جارێن دەرباز بووی، كەلوپەل و پێتڤیێن خارنێ بوونە و ژڤانە ل دەمەكێ نێزیك كۆژمەكێ پارەی كۆ كۆژمێ 100 هزار دینارانە بۆ هەر خێزانەكا هەژار بهێت دابینكرن".
رێڤەبەرێ گشتی یێ چاڤدێری و جڤاكی ل پارێزگەها دهۆكێ بۆ (باسنیوز) دیار ژی كر:" ل پارێزگەها دهۆكێ 35 هزار سەرۆك خێزان دێ ژ وەرگرتنا ئەڤێ هاریكاریا ماددی مفادار بن كۆ بەری نها ب رێكا پركرنا فۆرمەكێ خێزانێن هەژار هاتنە دەستنیشانكرن".
دۆپاتی ل وێ چەندێ ژی كر: "هەمی رێكار هاتنە ئەنجام دان و ل دەمەكێ زور نێزیك دێ ئەو پارە ل سەر هەژاران هێت دابەشكرن و هەلبەت ئەو پارە ژ وەزارەتا كار دێ هێتە ل سەر هژمارا رێڤەبەریا مە و هەر خێزانەك دێ قەستا بانكەكێ كەت ل سنورێ جۆگرافی یێ دەڤەرا خۆ بۆ وەرگرتنا وی كۆژمێ پارەی و ل دەمەك زور نێزیك دێ ل بانكان دەست ب دابەشكرنا پرۆسێسا پارەی هێت كرن".
باسنیوز
