به‌رپرسێ راگه‌هاندنێ ل رێڤه‌به‌ریا گشتى ساخله‌میا پارێزگه‌ها دهۆكێ دیاركركو هنده‌ك گرۆپ هاتینه‌ پێك ئێنان دچن ل مالان دگه‌رن بۆ چاره‌سه‌ركرنا تووشبوویێن كۆرۆنایێ. بێ رازه‌مه‌ندیا ساخله‌میێ رێك ڤان جۆره‌ گرۆپان ناهێته‌ دان.

حه‌مزه‌ ره‌زیكى، به‌رپرسێ راگه‌هاندنێ ل رێڤه‌به‌ریا گشتى ساخله‌میا پارێزگه‌ها دهۆكێ دیاركركو: "ساخله‌میا دهۆكێ ئاگه‌ه ژ دوو هه‌تا سێ گرۆپان هه‌یه‌ ئه‌ڤ گرۆپ هاتینه‌ داخوازكرن بۆ ساخله‌میا دهۆكێ داكو ساخله‌میێ ژ شیان وئاستێ وان پشت راست ببیت چونكو گرۆپێن خۆبه‌خش یێ دچن ڤی كاری ئه‌نجامده‌ن. ره‌نگه‌ ل وێ ئاستێ نه‌بن وپتر زیانێ بگه‌هنه‌ نه‌خۆشى له‌ورا ژى مه‌ وه‌كو ساخله‌میا دهۆكێ ده‌ست ب دووڤچوونێ كریه‌ هه‌ر كه‌سه‌كێ حه‌ز بكه‌ت خزمه‌تا نه‌خۆشان بكه‌ت ئه‌م به‌رهه‌ڤین هه‌موو ئاسانكاریان دگه‌لدا بكه‌ین".

ئاشكه‌را كركو: "هه‌تا ساخله‌میێ پشت راست نه‌بیت ژ شیانێن وان گرۆپان رێك پێ ناهێته‌ دان كار بكه‌ن لێ ئه‌و گرۆپێ ب رێكا رێڤه‌به‌ریا گشتى یا ساخله‌میێ بكار بكه‌ت دێ رێك پێ هێته‌ دان وپێدڤیه‌ رازه‌مه‌ندیا ساخله‌میێ ئه‌و گرۆپێ خۆبه‌خش یێن دچن چاره‌سه‌ریا نه‌خۆشان دكه‌ن كار خۆ ئه‌نجام بده‌ت".












باسنيوز