سەرۆک مه‌سعود بارزانی پرسه‌نامه‌یه‌كى بۆ کۆچی دوایی شاعیر جەلالی مەلەکشا بڵاو كرده‌وه‌ و ئاماژه‌ به‌وه‌ ده‌دات: "جەلالی مەلەکشا جێی دەستی لە بەرەوپێشبردنی فەرهەنگ و ئەدەبی کوردستان دیارە".

ئه‌مڕۆ یه‌كشه‌ممه‌ 1/11/2020، سه‌رۆك بارزانى پرسه‌نامه‌یه‌كى بڵاو كرده‌وه‌ و ده‌ڵێت: "بە داخێکی زۆرەوە هەواڵی کۆچی دوایی شاعیری ناوداری گەلی کورد جەلالی مەلەکشام پێ گەیشت، جەلالی مەلەکشا نووسەر و شاعیرێکی نیشتیمانپەروەر بوو کە جێی دەستی لە بەرەوپێشبردنی فەرهەنگ و ئەدەبی کوردستان دیارە".

سه‌رۆك بارزانى هه‌روه‌ها ده‌شڵێت: "سەرەخۆشی لە خانەوادە و کەسوکاری خوالێخۆشبوو جەلالی مەلەکشا و ڕۆشنبیر و ئەدەبدۆست و نووسەرانی شاری سنە و هەموو کوردستان دەکەم و خۆم بە هاوبەشی خەمیان دەزانم، لە خودای گەورە داواکارم خوالێخۆشبوو بە بەهەشتی بەرین شاد بکات و سەبر و ئارامیش بە هەموو لایەک ببەخشێت".













باسنيوز